11.11.2024
Centrum Air Toshkentdan Shri-Lankaga toʻgʻridan-toʻgʻri reyslarni yoʻlga qoʻymoqda
Muallif
Shohzamon Shuhratov
Parvozlar 17-noyabrdan boshlab haftada bir marta — yakshanba kunlari amalga oshiriladi.
Centrum Air xususiy aviakompaniyasi Oʻzbekistondan Shri-Lankaga toʻgʻridan-toʻgʻri aviaqatnovlar yoʻlga qoʻyilishini maʼlum qildi.
Toshkent-Kolombo-Toshkent yoʻnalishi boʻyicha parvozlar 17-noyabrdan boshlab haftada bir marta — yakshanba kunlari amalga oshiriladi.
Parvozlar jadvali (mahalliy vaqt):
- Toshkentdan joʻnab ketish — 2:40, Kolomboga yetib kelish — 9:10;
- Kolombo aeroportidan uchish — 10:30, Toshkentga yetib kelish — 15:40.
Bir tomonga chipta narxi 3,1 mln soʻmdan, borish-kelish uchun 7,4 mln soʻmdan boshlanadi.
