Eldor Shomurodov faoliyatini Turkiya klubida davom ettiradi
O‘zbekistonlik hujumchi Eldor Shomurodov Turkiyaning “Istanbul Bashakshehir” jamoasiga sotib olish sharti bilan ijaraga berildi.
O‘xshash mavzular
11.07.2025
O‘xshash mavzular
10.07.2025
29 yoshli Eldor Shomurodov bundan buyon Turkiya Superligasida to‘p suradi. “Bashakshehir” klubi uni Italiyaning “Roma” jamoasidan ijaraga olganini e’lon qildi.
TelecomTV xizmatiga 7 kunlik bepul kirish imkoniyatiga ega bo‘ling.
Quyidagi tugmani bosing va hoziroq boshlang!
Ushbu ijara kelishuvi 2025/2026 yilgi mavsum yakunigacha amal qiladi. Shartnomaga ko‘ra, turkiyaliklar mavsum so‘ngida to‘liq transfer huquqini qo‘lga kiritish imkoniga ega bo‘ladilar.
Avvalroq taniqli insayder Fabritsio Romano “Bashakshehir” klubi ijara uchun 3 million yevro to‘lashi, keyinchalik esa yana 2,7 million yevro evaziga Eldorni butunlay xarid qilishi mumkinligini bildirgan edi.
Shuningdek, kelishuvga ko‘ra, agar Shomurodov boshqa klubga sotilsa, “Roma” uning transferidan 10 foiz ulush oladi.
“Milliy jamoamiz a’zosini jamoamizda kutib olishdan mamnunmiz. Unga yangi libosimizda omad tilaymiz”, — deyiladi klubning rasmiy bayonotida.
“Bashakshehir” o‘tgan mavsumni Turkiya chempionatida 5-o‘rinda yakunlagan va Konferensiyalar ligasida ishtirok etish huquqini qo‘lga kiritgan.
O‘xshash mavzular
