FIFA 2024-yilning eng yaxshi futbolchisini eʼlon qildi
Ushbu mukofotga “Real” va Braziliya terma jamoasi qanot hujumchisi Vinitsius Junior sazovor boʻldi. Gʻolib nomini FIFA prezidenti Janni Infantino eʼlon qildi.
Yangi yilga eng yaxshi sovg‘ani topdik. BU NIMA?
Eslatib oʻtamiz, ilgari Vinitsius oktyabr oyida Parijda boʻlib oʻtgan “Oltin toʻp” mukofotini olishning asosiy daʼvogari deb hisoblangan edi. Biroq bashoratlarga qaramay, bu mukofotni Ispaniyaning “Manchester Siti” yarim himoyachisi Rodri qoʻlga kiritdi.
Taʼkidlash joizki, braziliyalik futbolchi oʻtgan mavsumda Ispaniya klubi safida Ispaniya chempioni, mamlakat Superkubogi sohibi va Chempionlar ligasi gʻolibi unvonlariga erishdi. Vinitsius finalda Dortmundning “Borussiya”siga qarshi oʻyinda gol urdi. Shuningdek, “oq kiyimlilar” UEFA Superkubogini ham qoʻlga kiritishdi.
Shuningdek, The Best FIFA Football Awards doirasida 2024-yilning eng yaxshi murabbiyi ham aniqlandi. Bu unvonga “Real” bosh murabbiyi Karlo Anchelotti sazovor boʻldi. Argentinalik darvozabon Emiliano Martines ikkinchi marta sayyoramizning eng yaxshi darvozaboni deb tan olindi.
