Gullar uzoq saqlanishi uchun nima qo‘shish kerak: gullar parvarishi bo‘yicha qo‘llanma
Yangi uzilgan gullar ko‘zni quvontiradi, kayfiyatni ko‘taradi va har qanday interyerni bezab turadi. Ammo ayniqsa, gullar parvarishi bo‘yicha asosiy qoidalarni bilmasangiz, ularning go‘zalligi qisqa muddatli bo‘lishi mumkin. Gullarning umrini uzaytirishning eng muhim usullaridan biri – suvni to‘g‘ri tayyorlash va unga kerakli moddalarni qo‘shishdir. Quyida turli xil gullar buketiga nima qo‘shish yaxshiroq ekanini ko‘rib chiqamiz.
Kinolarni bepul ko‘rish imkoniyati!
Atirgullar buketi uzoq turishi uchun nima qo‘shish kerak
Atirgullar alohida e’tiborni talab qiladi: ularning qalin novdalari va bakteriyalarga nisbatan sezuvchanligi ularni “injiq gullar” safida bo‘lishiga sababdir. Buket uzoq turishi uchun:
- Shakar – 1 choy qoshiq 1 litr suvga. Bu gul uchun energiya manbai hisoblanadi.
- Sirka yoki limon sharbati – 1 choy qoshiq 1 litr suvga. Suvni kislotali muhitga aylantiradi va bakteriyalar o‘sishini sekinlashtiradi.
- Oqartiruvchi vosita (belizna) – 1-2 tomchi 1 litr suvga. Suvni dezinfeksiya qiladi.
Gulni vaza ichiga qo‘yishdan oldin novdasini qiya qilib kesing va suvga tushadigan barglarni olib tashlang.
Lola gullari uzoq turishi uchun nima qo‘shish kerak
Lola gullari hatto kesilgandan keyin ham o‘sishda davom etadi va suv eng oz miqdorda ifloslansa ham tezda so‘lib qoladi.
- Sovuq suv – lola gullari sovuqni yaxshi ko‘radi.
- Aspirin – ½ tabletka 1 litr suvga, bakteriyalar ko‘payishini oldini oladi.
- Shakar – 0,5 choy qoshiq 1 litr suvga.
- Limon kislotasi – oz miqdorda, suv muhitini kislotali qiladi.
Suvni har kuni almashtiring va novda uchini yangilab kesing.
Pion gullari uzoq turishi uchun nima qo‘shish kerak
Pionlar – keng o‘sadigan va xushbo‘y gullar bo‘lib, kesilgandan keyin ko‘proq oziqlanishni talab qiladi.
- Shakar – 1-2 choy qoshiq 1 litr suvga.
- Limon kislotasi – pichoq uchida, pH muhitini barqarorlashtirish uchun.
- Margansovka – och pushti eritma holida (mikroblarni o‘ldiradi).
- Qaynatilgan yoki tindirilgan suv – xlor va bakteriyalar miqdorini kamaytiradi.
Novdasini qiya qilib kesing va har kuni yangilang.
Moychechak (romashka) uzoq turishi uchun nima qo‘shish kerak
Moycechak oddiy ko‘rinsa-da, ayniqsa issiq kunlarda parvarishga muhtoj.
- Sirka – 1 choy qoshiq 1 litr suvga. Suvning ishqorligini kamaytiradi.
- Shakar – ½ choy qoshiq.
- Aspirin – gullarning yangiligini saqlashga yordam beradi.
- Suvga tushadigan barcha barglarni olib tashlang, ular chirishni tezlashtiradi.
Issiq kunlarda suvni har kuni almashtiring.
Xrizantemalar uzoq turishi uchun nima qo‘shish kerak
Xrizantemalar o‘zining mustahkamligi bilan mashhur, ammo ularga g‘amxo‘rlik qilish orqali ularni yanada uzoq saqlash mumkin.
- Shakar – 1 choy qoshiq 1 litr suvga.
- Limon kislotasi – suvni ozroq kislotali qilish uchun.
- Vodorod peroksid – 3-4 tomchi 1 litr suvga, antiseptik vazifasini bajaradi.
- Spirt (masalan, aroq) – 1 choy qoshiq, bakteriyalar o‘sishini sekinlashtiradi.
Muhim: novdani kesishda sekator emas, balki o‘tkir pichoq ishlating, aks holda to‘qimalari eziladi.
O‘xshash mavzular
