Italiyada 82-Venetsiya kinofestivali boshlandi

Filmning syujeti bo‘yicha, Italiya Respublikasi prezidenti Mariano de Santis o‘z lavozimini tark etishga tayyorlanmoqda. Bunga qadar u afv etish to‘g‘risida ikkita muhim qaror qabul qilishi va evtanaziya haqidagi bahsli qonunni imzolashi yoki imzolamasligi kerak bo‘ladi.

Dramada bosh rolni “Buyuk go‘zallik” filmi bilan tanilgan Toni Servillo ijro etgan. Sorrentinoning ta’kidlashicha, bosh qahramon obrazi real prototipga ega emas va butunlay xayoliy personajdir.

U yana qo‘shimcha qilishicha, “Inoyat” filmi muhabbat, shubhalar va bu shubhalarni qabul qilish zarurati, shuningdek, mas’uliyat, otalik va syujetning muhim harakatlantiruvchi kuchiga aylanadigan axloqiy dilemma haqidadir. Kuzda filmni Rossiyadagi A-One kompaniyasi prokatga chiqaradi.

Tanlov dasturiga jami 21 ta film kiritilgan, ular orasida: Olive Assening “Kreml sehrgari”, Ketrin Bigeloning “Dinamit uyi”, Yorgos Lantimosning “Bugoniya”, Mona Fastvoldning “Anna Li vasiyati”, Ildiko Enedining “Sokin do‘st”, Gilermo del Toroning “Frankenshteyn” va boshqalar bor.

Tanlovdan tashqari, Luka Guadaninoning “Ovdan so‘ng”, Aleksandr Sokurovning “Rejissyor daftari”, Verner Gersogning “Arvoh fillar” va boshqa filmlar namoyish etiladi.

Venetsiya festivali hakamlar hay’atiga amerikalik rejissyor Aleksandr Peyn rahbarlik qilmoqda. Kinofestival 6-sentyabrgacha davom etadi.