“Hukmdor Usmon” – butun dunyoni zabt etgan serial aktyorlari
Hozirda barcha tilga olayotgan Turkiyaning mashhur serialining asosiy yulduzlari bilan tanishish vaqti keldi. Siz uchun “Hukmdor Usmon” serialining 9 ta mashhur aktyorlari, ularning Instagram sahifalari bilan birga jamladik. Ishonchimiz komilki, bu sizga qiziq bo‘ladi!
Ushbi mavsumda Sharm al-Shayxga
Burak Ozchivit
Turkiyaning eng kelishgan aktyorlaridan biri. U nafaqat “Hukmdor Usmon”, balki “Muhtasham Yuz Yil”, “Choliqushi”, “Qora Sevgi” kabi loyihalar bilan ham mashhur. U karyerasini model sifatida boshlagan va 2005-yilda “Dunyoning Eng Yaxshi Modeli” tanlovida 2-o‘rinni egallagan. Aktrisa Faxriye Evjen bilan turmush qurgan. Burakning Karan va Kerem ismli ikki o‘g‘li bor.
Ozge Torer
“Hukmdor Usmon” serialida Boli Xotun rolini ijro etgan aktrisa tomoshabinlarni o‘zining tabiiy go‘zalligi va samimiyligi bilan rom etdi. U hali karyerasining boshida bo‘lsa ham, allaqachon 2,3 million Instagram obunachisiga ega. Mashhur brendlar bilan hamkorlik qiladi va model sifatida ham faoliyat yuritadi.
Emre Basalak
Professional aktyor bo‘lib, nafaqat “Hukmdor Usmon”, balki “Alp Arslon: Buyuk Saljuqiylar” serialida ham rol ijro etgan. U kino olamida dastlab muvaffaqiyat qozonmagan, biroq 10 yillik tanaffusdan so‘ng qaytib kelib, Gunduz-bey roli bilan mashhurlikka erishdi.
Buse Arslan
Aktrisa va model, “Chiroqqush” serialida ham rol o‘ynagan. Ko‘pchilik bilmaydi, ammo u kino va dramaturgiya bo‘yicha san’at magistri darajasiga ega. 2023-yilda “Hukmdor Usmon” filmidagi hamkasbi Chagri Shensoy bilan turmush qurgan.
Yigit Uchan
“Hukmdor Usmon” va “Muhtasham Yuz Yil” seriallari yulduzi. Shu bilan birga, u teatr aktyori hamdir. Dostoyevskiyning “Jinoyat va jazo” asari asosida sahnalashtirilgan spektaklda Raskolnikov rolini ijro etgan. Ilgari u rok-guruh vokalisti bo‘lgan. Hozirda u turk stilisti Betul Kurekmez bilan turmush qurgan va ikki farzandning otasi.
Achelya Ozkan
Dastlab Achelya administrator bo‘lishni istagan va bu yo‘nalishda oliy ma’lumot ham olgan. Ammo keyinchalik teatrga qiziqib qolib, aktyorlik kasbini tanlagan. Uning eng mashhur roli “Hukmdor Usmon” dagi obrazi bo‘lsa-da, u “Omadsizlar Klubi” filmida ham yodda qolarli chiqish qilgan.
Alma Terzich
Aktrisa Bosniyada tug‘ilgan, ammo ko‘plab turk seriallarida suratga tushgan. U o‘zining xarizmasi va kuchli aktyorlik mahorati bilan tomoshabinlarni hayratda qoldiradi. Andjelina Joli tomonidan suratga olingan “Qon va asal o‘lkasida” filmidagi roli bilan ham tanilgan. Biroq, o‘zining eng sevimli loyihasi sifatida “Hukmdor Usmon” serialini tilga oladi.
Yildiz Chagri Atiksoy
Yildiz dastlab kino sohasida faoliyat yuritishni rejalashtirmagan – u sahna rassomi sifatida tahsil olgan. Biroq, keyinchalik aktyorlikka qiziqib, birinchi loyihasi bilanoq mashhurlikka erishgan. “Hukmdor Usmon” suratga olish jarayonida og‘ir sinovga duch kelgan – u erta tug‘ruq bilan bog‘liq hayotiy xavfga uchragan, ammo oxir-oqibat barchasi yaxshi yakunlangan.
Ejem Sena Bayir
Aktrisa, ssenariynavis va “Hukmdor Usmon” hamda “Afsona” serial yulduzi. 28 yoshli Ejem Sena blogerlik, inflyuenser va modellik bilan ham shug‘ullanadi. Uning Instagram sahifasida 800 mingdan ortiq obunachi bor va bu raqam tobora oshib bormoqda.
