Nafaqat go‘shtli burek... Turk oshxonasining qanday taomlarini uyda tayyorlash mumkin

Menemen (turkcha pishirilgan tuxum)

Kerakli masalliqlar:

• pomidor – 300 g;
• piyoz – 100 g;
• yashil bulg‘or qalampiri – 100 g;
• tuxum – 2 dona;
• zaytun yog‘i – 2 osh qoshiq;
• tuz;
• tomat pastasi – 1 osh qoshiq;
• ko‘katlar.

Tayyorlanishi:

1. Piyoz, bulg‘or qalampiri va tozalangan pomidorlarni mayda «kubik» larga to‘g‘rang. Tovani qizdirib, zaytun yog‘ini soling;
2. tovaga piyozga qo‘shib «kubik» qilib to‘g‘ralgan bulg‘or qalampirini qo‘shib, masalliqlar yumshoq bo‘lgunicha yaxshilab qovuring (taxminan 5-6 daqiqa);
3. qovurilayotgan piyoz va bulg‘or qalampiriga tug‘ralgan pomidorni sharbati bilan qo‘shing. Keyin masalliqlarni yaxshilab aralashtirib, tovani yopib, undagi «suv» ikki baravar kamayguncha (taxminan 10 daqiqa) pishiring;
4. Keyin tomat pastasini qo‘shing, dasturxonga tortishdan oldin «menemenga» ko‘katlar solib, bezating.

Go‘shtli burek (turkcha pirog)

Masalliqlar:

Xamiri uchun:

• 500 gr. un;
• 350 ml. iliq suv;
• 1/2 choy qoshiq tuz;
• 1 osh qoshiq o‘simlik yog‘i.

Pirogomiz asosi uchun:

• 600 gr. maydalangan mol go‘shti;
• 400 gr. piyoz;
• 50 gr. sariyog;
• ta’mga ko‘ra tuz, murch, ziravorlar;
• kunjut;
• tuxum sarig‘i (pirogni ustiga surtish uchun);

Tayyorlanishi:

1. blenderda elangan un, suv, o‘simlik moyi, tuzni aralashtirib, qattiq xamir yo‘g‘irib olib, uni 30 daqiqaga paketga solib qo‘yamiz;
2. pirogimiz asosiga solinadigan to‘g‘ralgan piyozni o‘simlik yog‘ida qovurib, unga maydalangan mol go‘shti, ziravorlar qo‘shib yaxshilab qovuramiz;
3. xamirni to‘rt qismga ajratib, har bir qismini ingichka qilib yoyib, sariyog‘ bilan yaxshilab yog‘lab, bir-birining ustiga qo‘yib yana 15-20 daqiqa davomida paketga solib qo‘yamiz;
4. xamirning har bir bo‘lagini qo‘lingiz bilan ingichka qatlama bo‘lguncha cho‘zib, go‘shtli asosni xamir chetiga yoyib, xamirni sariyog‘ bilan yog‘lab, «rulet» qilib o‘rang;
5. pech listiga pergament qog‘ozini solib, birinchi rulonni «chig‘anoq» shaklida yoyib, ikkinchi rulonni ham unga ulab aylantiring. Listga shu tartibda oxirigacha barcha rulonlarni o‘rab joylashtiring;
6. pirogni ustini ozgina bosib, usti chiroyli qizarib chiqishi uchun tuxumning sarig‘ini surtib, kunjut seping;
7. oldindan 180 darajagacha qizdirilgan pechda 30-35 daqiqa davomida pishiring.

Desert. Pistali baklava (turk baklavasi)

Masalliqlar:

• 2 paket xamir (yoki qat-qat xamir) - 500 gr;
• 150-200 gr. pista;
• 350 gr. sariyog‘;
• 100 gr. o‘simlik yog‘i;⠀

Sirop uchun:

• 530 gr shakar;
• 625 gr suv;
• 1 tilim limon.

Tayyorlanishi:

1. xamirni yumshatib oling; 
2. pistani ezib yoki pichoq bilan maydalab, bir qismini shirinlikni bezash uchun olib qo‘yamiz;
3. sariyog‘ni eritib, o‘simlik moyi bilan aralashtiring va pech idishini yog‘lang;
4. xamirni pech idishi shakliga mos qilib kesib oling. Avval, xamirning butun qismlarini, o‘rtasiga esa – kesilgan bo‘laklarni joylaymiz. Har bir qatlamni moy bilan yog‘laymiz;
5. xamirning 1/3 qismini qo‘ygandan so‘ng pista sepib, ustidan yana xamir qo‘ying;
6. xamirning har bir qatlamini yog‘lang. Paxlavaning oxirgi qatlamlari uchun 10-12 xamir varaqlaridan foydalanamiz;
7. pichoq yordamida qirralarni pastga burang. Paxlavani kesib, chetarini qoshiq bilan to‘g‘irlang;
8. desertning ustiga yog‘ solib, 170-180 darajaga qizdirilgan pechda qizarguncha pishiring;
9. sirop uchun idishga shakar, suv va limonni soling. Sirop qaynab chiqgach uni  yana 20 daqiqa davomida pishiring. Pechdan chiqqan baklavani 1-2 daqiqa «dam oldiring»;
10. baklavani ustidan qaynoq siropni quying. So‘ng uni 2-3 soat tindirib, undan keyin dasturxonga torting.