Oldin va hozir: “Iztopar” seriali aktyorlari 17 yil ichida qanday oʻzgardi?
“Iztopar afsonasi” Sam Raimi tomonidan yaratilgan AQSH teleserialidir. Terri Gudkindning “Haqiqat qilichi” nomli romani asosida suratga olingan. Serialda bosh rollarni Kreyg Horner, Bridjit Rigan, Bryus Spens va Tabret Betel ijro etgan.
O‘xshash mavzular
15.01.2025
O‘xshash mavzular
12.01.2025
ABC va Disney kompaniyalari tomonidan serialning suratga olish ishlari 2008-yilning may oyida boshlangan. Birinchi va ikkinchi mavsumlarning har biri 22 qismdan iborat. Ikkinchi mavsum soʻnggisi boʻldi. Suratga olish ishlari toʻxtatildi, serial yopildi va qayta tiklanmaydigan boʻldi.
Avstraliyalik aktyor va qoʻshiqchi Kreyg Horner (Richard Sayfer) 2010-yillarda serial muxlisalarining yuragidan urgandi. U oʻsha yillarda eng qimmat aktyorlardan biriga aylangan. Horner 2022-yilda “Mukammal juftlik” badiiy filmida Kalder rolini ijro qildi. Shuningdek, 2023-yilda “Rok oroli sirlari” deb nomlangan serialda Sanni Grey obrazini gavdalantirdi.
10 yillarning goʻzallik maʼbudasi sifatida taʼriflanuvchi aktrisa Bridjit Rigan (Kalan Amnel) “Iztopar” serialini suratga olish ishlari davomida yozuvchi Eamon Sallivan bilan tanishib, unga turmushga chiqqandi. Juftlik hozirda ikki nafar farzandni tarbiyalamoqda. Aktrisa 2025-yilda suratga olinadigan “Sara” serialida Keyt Bernard rolini ijro etishi kutilmoqda.
Dastlab antogonist, undan soʻng asosiy qahramonlarning yaqin doʻstiga aylangan kohina rolini ijro etgan Tabret Betel (Kara Mason) 2010-yillarda shu qadar mashhur boʻlganki, Sidneydagi koʻchalardan biri uning ismi bilan nomlangan. Aktrisa soʻnggi yillarda ijodni deyarli toʻliq toʻxtatgan. U oxirgi marta 2016-yilda “Xonimlar” badiiy filmida Keyt Devis obrazini gavdalantirgan. Betel ayni vaqtda faqat Instagramʼdagi sahifasiga rasmlar joylab boradi.
80 yoshli aktyor Bryus Spens (Zedikus Zul Zorander) oʻzining serqirra ijodi bilan bir necha davrlar muxlislarini rom etib kelmoqda. U oxirgi marta 2023-yilda “Sovuq suv” filmida Murrey rolida koʻrinish bergan. Shuningdek, oʻtgan yilda “Nautilus” fantastik filmida CBIO kompaniyasi rahbarini obrazini gavdalantirdi. U uzoq yillar davomida teatrda ham faol ishlagan.
Serialdagi asosiy antogonist — Kreyg Parker (Darken Rohl) 2021-yilda “Yaxshi muammo” serialida Yuriy Elvin rolini ijro etdi. U turli Comic Con festivallarining doimiy ishtirokchisi hisoblanadi. Aktyor soʻnggi yillarda ijodiy faoliyatdan biroz chekinganini anglash mumkin. U teatrda faol ravishda rollar ijro etmoqda.
O‘xshash mavzular
