30.10.2024
“Oʻrgimchak odam 4” qachon premyera qilinishi maʼlum boʻldi
Muallif
Shohzamon Shuhratov
“Oʻrgimchak odam” filmining toʻrtinchi qismi qachon premyera qilinishi maʼlum boʻldi. “The Hollywood Reporter” nashrining xabar berishicha, kinokartina 2026-yil 26-iyulda jahon prokatiga chiqariladi.
Qayd etilishicha, aktyor Tom Holland Piter Parker roliga qaytadi. Film Marvel va Sony kinostudiyalari tomonidan nazorat qilinadi. Suratga olish ishlari 2025-yilning yozida boshlanadi. Kinokartina rejissyori Destin Daniyel Kretton (“Shang-Chi va oʻn halqa afsonasi”) boʻladi.
Yangi “Oʻrgimchak odam” trilogiyasi 2017-yilda boshlangan. Barcha filmlar umumiy hisobda 3,9 milliard dollar daromad koʻrgan. Bundan tashqari, Tobi Maguayr (2002−2007) va Endryu Garfild (2012, 2014) ishtirokida ham “Oʻrgimchak odam” filmlari mavjud.
