23-24 ноябрь дам олиш кунлари учун Ўзбекистонда об-ҳаво маълумоти: ҳаво илиқ ва қуруқ бўлади
Дам олиш кунлари Ўзбекистон бўйича ҳаво бироз булутли бўлади, ёғингарчилик кутилмайди. Ҳарорат кундузи +10…+15, кечалари 0…−3 даража бўлиши кутилмоқда.
Yangi yilga eng yaxshi sovg‘ani topdik. BU NIMA?
Дам олиш кунлари Ўзбекистон ҳудуди бўйича ҳаво бироз булутли бўлади, ёғингарчилик кутилмайди, дея хабар бермоқда Ўзгидромет агентлиги.
Фақат Сурхондарё вилоятида 23 ноябрь куни баъзи жойларда бироз ёмғир ёғади. Республиканинг айрим жойларига туман тушиши мумкин. Шарқий йўналишдаги шамол бироздан ўртача тезликкача эсади.
Ҳарорат кечалари 0…+5 даража илиқ, шимолда баъзи жойларда −1…−3 дарада совуқ атрофида бўлади. Кундуз кунлари қуёш нурлари ҳавони +10…+15 даража илиққача иситади.
Бундай ҳарорат ноябрь ойининг ушбу кунлари учун бўлган иқлим меъёрларига яқиндир, дейди синоптиклар.
