Абдуқодир Ҳусанов иштирокидаги ўйинлар маҳаллий телеканалда намойиш этилиши мумкин
Футбол бўйича Англия Премьер Лигаси Ўзбекистондаги маҳаллий телеканалда намойиш этилиши мумкин. Бу ҳақда шарҳловчи Отабек Жўраев ўзининг Телеграмдаги саҳифасида маълум қилди.
Kinolarni bepul ko‘rish imkoniyati!
«Зўр ТВ АПЛ доирасидаги Абдуқодир Ҳусанов иштирокидаги ўйинларни намойиш этади! АПЛнинг ҳар турида канал томонидан иккита учрашув трансляция қилинади. Биринчи ўйин бу, тушунарли — Манчестер Сити ўйини. Иккинчиси эса Ливерпул, Арсенал, Челси, Манчестер Юнайтед, Тоттенҳем ёки бошқа инглиз бренди иштирокидаги ўйин», деб ёзган Спорт ТВ ва Футбол ТВ шарҳловчиси Отабек Жўраев.
Футбол бўйича Испания чемпионати баҳсларини айнан шу каналда шарҳлаб бораётган Даврон Файзиев бу маълумотлар расмий кучга эмаслигини таъкидлади.
“Бу маълумот ҳали расмий эмас. Ҳа, Зўр ТВ бугунги кунда барча футбол мухлислари кўришни хоҳлаётган «Сити» ва АПЛнинг бошқа топ клублари ўйинларини намойиш этиш учун ҳаракатда. Биз ҳам бу ижобий ҳал бўлишини кутяпмиз. Бу жараён қийинроқ, аслида. Майли, кузатайликчи”, дейди шарҳловчи Даврон Файзиев.
Маълумот учун, АПЛ ўйинлари Ўзбекистонда сўнгги бор УзРепорт ва Футбол ТВ томонидан мамлакат ҳудудида намойиш қилинганди.
Буни ҳам ўқинг
