Абдуқодир Ҳусанов учун курашга «Реал Мадрид» ҳам қўшилди
Абдуқодир Ҳусановга «Реал Мадрид» клуби ҳам қизиқиш билдирмоқда. Бу ҳақда «Fichajes» нашри хабар бермоқда.
100 dollargacha bo‘lgan eng yaxshi sovg‘alar. QAYERDAN XARID QILISH MUMKIN?
Манбага кўра, «Реал Мадрид» учун рақобатбардош марказ ҳимоячини таркибга қўшиш жуда муҳим масала бўлиб қолмоқда. Шу сабабли клуб трансфер бозорида Карло Анчелотти жамоасини кучайтира оладиган футболчини изламоқда. Бу вазифани клубнинг бош скаути амалга ошириш ниятида.
Дефенса Central маълумотларига кўра, скаут Хуни Калафатнинг диққат марказида 20 ёшли Абдуқодир Ҳусанов бор. «Ланс» сафида тўп сураётган бу марказий ҳимоячи Европанинг бир қанча топ-клубларини ҳайратга солмоқда. «Манчестер Сити» ушбу трансфер бўйича рақобатчиларни ортда қолдириш учун ҳаракатни бошлаган.
Футболчининг вакили Ғайрат Хасбиуллин эса бу борада охирги янгиликларни маълум қилди.
«Абдуқодир ўз позициясида Европанинг энг яхши футболчиларидан бири эканини аллақачон исботлади. У ёш ва ҳар куни кучайиб бормоқда. У Европанинг энг яхши клубларида ўйнашга лойиқ. Бизнинг «Ланс» билан жуда яхши муносабатларимиз бор, клуб ҳам футболчи учун энг яхши танловни амалга ошириш тарафдори. Агар трансфер муваффақиятли амалга ошса, клуб ёш футболчига ишонч билдиргани учун муносиб мукофот олади», деди Хасбиуллин АS газетасига берган интервьюсида.
Футболчи тахминан 20 миллион еврога баҳоланмоқда. «Ланс»нинг асосий ўйинчиси бўлган ўзбек футболчиси «ПСЖ» ҳамда АПЛнинг бир нечта топ клублари эътиборини ҳам жалб қилган. Кўринишидан, бу кескин кураш «Манчестер Сити» ва «Реал Мадрид» ўртасида кечиши кутилмоқда.
Буни ҳам ўқинг
