Ҳиндистон Венерага учиш ва ўзининг космик станциясини қуриш режасини эълон қилди
Ҳиндистон ҳукумати бир қатор йирик космик лойиҳаларни маъқуллади. «Чандраян-4» миссияси доирасида Ой тупроғини Ерга етказиб бериш, маҳаллий орбитал станциянинг биринчи модулини яратиш ва Венерани ўрганиш учун аппаратни ишга тушириш шулар жумласидандир.
Yangi yilga eng yaxshi sovg‘ani topdik. BU NIMA?
Намуналарни Ойдан етказиб беришга келсак, ушбу улкан лойиҳада иккита бир марталик «LVM 3» ракетаси ишга туширилиши режалаштирилган.
Миссия бюджети тахминан 21 миллиард рупияни ташкил этади. Ушбу мураккаб операция мамлакатни 2040 йилгача режалаштирилган сунъий йўлдош юзасига астронавтларни туширишга тайёрлайди.
Венерани ўрганиш учун мамлакатда Venus Orbiter Mission (VOM) миссияси тасдиқланди. Космик кемани учириш 2028 йил март ойига режалаштирилган. Унинг илмий мақсадларига сайёрамизнинг атмосфераси, геологияси ва эволюциясини ўрганиш киради. Дастур учун 12,36 миллиард рупия ажратилади.
Bharatiya Antariksh (BAS-1) хусусий космик станциясининг биринчи модулини учириш 2028 йил декабрь ойида режалаштирилган. Режаларда, шунингдек, кўп марталик ракета ташувчисини (NGLV) ишлаб чиқиш ҳам бор. Унинг қурилиши саккиз йил давомида учта синов парвозини ўз ичига олади.
