Янги йил байрамида қор ёғадими?
Ўзгидромет жорий йилнинг 31 декабри ва янги йилнинг 1 январи учун об-ҳаво маълумотларини эълон қилди.
Бу йил Ўзбекистон аҳолисининг аксарияти янги йилни қорсиз кутиб олади.
30 декабр куни республика бўйлаб айрим жойларда ва 31 декабрь куни кечаси Тошкент вилоятининг айрим ҳудудларида ёғингарчилик бўлади, лекин текисликларда асосан ёмғир шаклида бўлади. Ўзбекистоннинг шимолида фақат тоғ олди ва тоғли ҳудудларда, шунингдек, айрим жойларда қор кўринишида ёғингарчилик кутилади.
31 декабрь ва 1 январь куни республиканинг аксарият ҳудудларида ёғингарчилик кутилмайди.
Ҳаво ҳарорати 30−31 декабрь ва 1 январда кечаси 0° дан +5° гача, кундузи 5° дан +10° гача илиқ бўлиб, баъзи жойларда +12° гача кўтарилади. Мамлакат шимолида кечаси -3° дан -8° гача, кундузи 0° дан +5° гача совуқ бўлади.
