Австралия кафт расмига қараб ёшни текшириш технологиясини синовдан ўтказмоқда
Қайд этилишича, сунъий интеллект технологияси қўлни камера олдида 30 сония ҳаракатлантириш орқали ўсмирларнинг кафтини катталарникидан 99% аниқликда ажрата олади.
Ushbi mavsumda Sharm al-Shayxga
Австралия кафт расмига қараб ёшни текшириш технологиясини синовдан ўтказмоқда. Бу ҳақда «Crikey» нашри хабар берди.
Сунъий интеллектларга ихтисослашган Неэдеманд компанияси бармоқлар ҳаракатини кузатиб, ўсмирларнинг кафтини катталарникидан 99% аниқликда ажрата оладиган технологияни тақдим этди. Энди ҳужжатлар ёки юзни кўрсатиш шарт эмас.
«BorderAge» номли технология фойдаланувчининг қўл ҳаракатлари видеоёзувларини таҳлил қилади. «Needemand» компаниясининг бош операцион директори Жан-Мишел Политнинг айтишича, машинали ўрганиш алгоритмлари 2017 йилдан буён тўпланган ўн минглаб видеоёзувлар асосида ўргатилган.
«Асаб тизимимиз туғилишдан то вояга етгунча ҳар куни ўзгариб туради, шу сабаб бармоқлар ҳаракати ҳам ёшга қараб ўзгаради. Энг муҳими: барчаси аноним, паспорт ёки селфи керак эмас, фақат қўлни камера олдида 30 сония ҳаракатлантириш кифоя», — дейди ишлаб чиқувчилар.
Технология ажин, қўл ўлчами, тату ёки тақинчоқлар каби ташқи белгиларни эътиборга олмайди, аксинча, фақатгина ҳаракатларга диққат қаратади.
