Буюк Британияда олти ёшли бола Ерни қутқариш учун 2,5 мингта пластик йиғди
Ёш фаол пластик қутиларни йиғиш учун бир йилдан буён барча усулларни қўлламоқда. У тўпламларни қайта ишлаш марказига топширмоқчи.
Kinolarni bepul ko‘rish imkoniyati!
Буюк Британиянинг Ҳемпшир графлигидаги Нетли қишлоғида яшовчи олти ёшли Тедди 2,5 мингдан ортиқ пластик идишларни тўплади. Бу ҳақда BBC хабар бермоқда.
Тедди одатда конфет, шоколад ёки крекерлар қадоғи сифатида сотиладиган пластик идишлар қайта ишлашга топширилмаслигини билгач, бундай қутиларни йиғишга қарор қилган. Буюк Британиянинг баъзи ҳудудларида бундай имконият бор, Ҳемпширда эса ҳозирча йўқ.
«Биз бу қутиларни иккиламчи хомашё учун оддий контейнерга топшира олмаймиз, лекин мен дунёни қутқариш учун вазиятни ўзгартиришга қарор қилдим. Сайёрамиз ягона ва биз унга ғамхўрлик қилишимиз керак», — деб тушунтирди болакай.
Тедди қутиларни йиғишни 2024 йилда бошлаган, йил охирига келиб 358 та қутини тўплаган. Яхшироқ натижага эришиш учун у мактабига хат ёзиб, ишлатилган қутиларни унга беришларини сўради. Мактаб раҳбариятига бу ғоя маъқул келди ва улар хабарни бошқа ўқувчиларнинг ота-оналарига юборди.
Тедди онаси билан бирга маҳаллий корхоналар биноларига эълонлар осиб чиқди, бобоси эса чиқиндихонага бориб, ташлаб юборилган барча контейнерларни сақлаб қўйишни илтимос қилди. Баъзида Теддининг ўзи одамларнинг уйларидаги пластикларни йиғади ёки уларни чиқинди қутиларидан териб чиқади.
Буни ҳам ўқинг
