Концерт рекламаларида фонограмма даражаси кўрсатилади
Шавкат Мирзиёев 11 март куни концертларда фонограммадан фойдаланишни тартибга солувчи қонунга имзо чекди, дея хабар бермоқда Адлия вазирлигининг “Ҳуқуқий ахборот” Телеграм канали.
Kinolarni bepul ko‘rish imkoniyati!
Ҳужжатда жонли ижро санъатини ривожлантиришда Маданият вазирлигининг ваколатларини аниқлаштирувчи қонун ҳужжатларига ўзгартиришлар киритилган. Хусусан, концерт-томоша тадбирларида фонограммалардан фойдаланишнинг турли даражалари белгиланиши қайд этилган.
Қонунчиликда қўшиқ ва бошқа мусиқий асарларини ижро этишнинг қуйидаги усуллари назарда тутилади:
- жонли ижро;
- фонограммадан қисман фойдаланилган ҳолда;
- фонограммадан фойдаланилган ҳолда.
Фонограммадан фойдаланиш даражаси ҳақидаги маълумотлар тадбир рекламасида кўрсатилиши керак. Бу бўйича “Истеъмолчиларнинг ҳуқуқларини ҳимоя қилиш тўғрисида"ги ва “Реклама тўғрисида"ги қонунларга тегишли ўзгартишлар киритилмоқда.
Бундан ташқари, концерт дастурида барча асарларнинг ижрочилари ва муаллифларини кўрсатиш талаб этилади. Қонун расмий эълон қилинганидан сўнг дарҳол кучга киради.
Буни ҳам ўқинг
