Наманганда III халқаро асал фестивали бўлиб ўтди
Наманган шаҳридаги «Афсоналар водийси» тематик боғида 1−3 ноябрь кунлари III халқаро асал фестивали бўлиб ўтди. Фестиваль доирасида асаларичилик соҳасидаги ривожланиш ва Ўзбекистонда асални қайта ишлаб чиқариш имкониятлари муҳокама қилинди.
Yangi yilga eng yaxshi sovg‘ani topdik. BU NIMA?
Қайд этилишича, фестивалда Қирғизистон, Қозоғистон, Россия каби мамлакатлардан келган меҳмонлар ва маҳаллий асаларичилар иштирок этди. 250 дан ортиқ маҳаллий ва хорижий иштирокчи ўз маҳсулотларини тақдим этган, улар орасида турли хилдаги асал маҳсулотлари билан иштирок этган асаларичиларнинг ишлари алоҳида қизиқиш уйғотди.
Шунингдек, тадбирнинг сўнгги қисмида 50 дан ортиқ маҳаллий ва хорижий асаларичига ташаккурнома ва эсдалик совғалари топширилди. Бундан ташқари, маҳаллий ва хорижий асаларичилар ўртасида ўзаро ҳамкорлик меморандумлари имзоланди. Унда 2025−2026 йилларда амалга ошириладиган 8 миллион долларлик экспорт шартномалари тузилди.
Фестиваль давомида концерт дастурлари, спорт тадбирлари ва асаларичилик соҳасидаги илмий-амалий конференциялар ўтказилган. Наманган вилоятида ўтказилган ушбу фестиваль асаларичилик соҳасини ривожлантириш ва маҳаллий тадбиркорларнинг халқаро бозорларга чиқишини таъминлаган.
