Тошкентнинг Спутник массивида дендропарк ташкил этилади
Мазкур ҳудуд атрофи турли дарахтлар ва ўсимликлар билан қоплангани сабаб, реновация дастури Гулшонобод маҳалласида амалга оширилади.
Буни ҳам ўқинг
31.03.2025
Аввалроқ Тошкент шаҳрининг Янгиҳаёт туманида жойлашган «Йўлдош» (эски «Спутник») массивида реновация дастури амалга оширилиши ҳақида хабар берилганди.
«Ташкент Инвест» компанияси мазкур ҳудудни реновация қилиш лойиҳаси тўғрисида ахборот маълумотномасини тақдим этди.
Ҳудудда 1966 йилнинг ёзида яшай бошлаган аҳоли учун уй-жой масаласининг вақтинчалик ечими сифатида 400дан ортиқ икки қаватли ёғоч уйлар қурилган. Ҳозирда улар маънан эскирган ва ҳар бир кишига 16 кв.метрдан камроқдан тўғри келувчи хонадонлар майдони ҳамда маиший шароитларнинг мавжуд эмаслиги талабларга жавоб бермайди.
«Аксарият уйларнинг ёғоч қурилиш конструкциялари ва муҳандислик тармоқлари юқори даражада жисмоний эскирган ҳамда энергия тежамкор эмас ва ёнғин хавфи юқори. Бундай уйларда яшаш аҳоли учун ноқулай ва ҳатто хавфлидир», — дейилади хабарда.
«Йўлдош» мавзеси ҳудудидаги дарахт ва яшил ўсимликларни сақлаб қолиш мақсадида реновацияни бошқа жойда амалга ошириш белгиланди. Ўрганишлар натижасида дастур учун мавзедан 1,5 км узоқликдаги «Гулшонобод» маҳалласи танланди. Ҳудуд барча талабларга жавоб бериши ҳамда аҳолини кўчириш инфратузилма ва маҳалла ўртасидаги алоқани сақлаб қолишга хизмат қилиши таъкидланди.
«Тошкент Инвест» қурувчи компания билан биргаликда замонавий туман лойиҳаси ва концепциясини ишлаб чиқмоқда. У ўз ичига ижтимоий, транспорт ва коммунал инфратузилмани олиб, хонадонларнинг дастлабки ва охирги пардозлашига эътибор қаратилади.
Буни ҳам ўқинг
