Нурсултоннинг укаси Машраб Рўзибоев ҳам UFC жангчисига айланди
Ўзбекистонлик ММА устаси Машрабжон Рўзибоев UFC жангчисига айланди ва дарҳол жангга розилик берди.
Ushbi mavsumda Sharm al-Shayxga
Нурсултон Рўзибоевнинг укаси 16 февраль кунги UFC турнирида америкалик Жаред Гордон билан тўқнаш келади. Жанг енгил вазн тоифасида бўлиб ўтади.
Машрабжон турнир бошланишига 4 кун қолганида ушбу жангни қабул қилиб олди. Мазкур турнир доирасида Кауе Фернандес ва Жаред Гордон ўзаро жанг қилиши лозим эди. Аммо Фернандес жароҳат олди ва жангда қатнаша олмайдиган бўлди. Машрабжон Рўзибоев эса Гордон билан жанг таклифига розилик берди.
Қайд этиш жоиз, Машрабжон қўшилганидан кейин UFCʼдаги амалдаги ўзбекистонликлар сони 4 нафарга етди. Булар Нурсултон Рўзибоев, Богдан Гусков, Рамазон Темиров ва Машрабжон Рўзибоев.
Маълумот ўрнида, Машрабжон Рўзибоев ўзбекистонлик UFC жангчиси Нурсултон Рўзибоевнинг укаси ҳисобланади. 28 ёшли Машрабжон профессионал фаолияти давомида 25 та жанг ўтказиб, 20 ғалаба ва 4 мағлубият қайд этган, битта жанг натижаси эса бекор қилинган.
