Октябрь ойи учун пенсиялар қачон ташлаб берилиши маълум бўлди
Ҳар ойнинг 5-санасигача пенсионерларнинг пластик карталарига маблағларни молиялаштириш белгиланган.
Октябрь ойи учун пенсиялар банк карталарига қачон ташлаб берилиши маълум бўлди. Бу ҳақда Пенсия жамғармаси матбуот хизмати хабар берди.
Жамғарманинг туман (шаҳар) бўлимлари ҳар тўлов ойининг 2-кунигача тўлов топшириқнома (ведомость)лар шакллантиради. Улар ойнинг 4-кунигача пенсияни фуқароларга етказиб бериш юкланган ташкилотга тақдим этилади.
Президентнинг 2021 йилнинг май ойидаги тегишли қарори билан, пенсия тўловлари учун талаб этиладиган маблағларни жамғарма ҳар ойнинг 5-санасигача пенсия олувчиларнинг банк пластик карталарига молиялаштирилиши белгиланган.
Халқ банки томонидан нақд шаклда пенсия олувчиларнинг маблағлари тасдиқланган графиклар асосида сайёр кассалар томонидан амалга оширилади. Бунда маблағлар ҳар ойнинг 4−27-саналарида маҳалла фуқаролар йиғини (МФЙ)га борган ҳолда тўлаб берилади.
