Қорақалпоғистоннинг Сариқамиш кўлида фламинголар уя қурди
Ўзбекистонда бу қушларни Орол денгизи ва Амударё ҳавзасининг жанубий қирғоқларида, шунингдек, Сирдарё вилояти ва Зарафшон водийсининг қирғоқбўйи зоналарида учратиш мумкин.
Yangi yilga eng yaxshi sovg‘ani topdik. BU NIMA?
«Жанубий Устюрт» миллий табиат боғи ходимлари Қорақалпоғистоннинг Қўнғирот туманидаги Сариқамиш кўлида уя қураётган фламинголар тўдасини суратга олишди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги матбуот хизмати хабар берди.
Фламинго — IUCN Қизил рўйхатига ва Ўзбекистон Қизил китобига заиф ва камайиб бораётган тур сифатида киритилган учиб ўтувчи уя қурувчи қуш. Бу қушлар ботқоқ қирғоқлари бўлган йирик текислик саёз шўр кўлларни афзал кўрадилар. Ўзбекистонда уларни Орол денгизи ва Амударё ҳавзасининг жанубий қирғоқларида, шунингдек, Сирдарё вилояти ва Зарафшон водийсининг қирғоқбўйи зоналарида учратиш мумкин.
Аслида, пушти фламинголар оқ рангдан унчалик фарқ қилмайдиган жуда оқ патларга эга. Улар майда қисқичбақасимонлар, сув ўтлари ва бошқа сув организмлари билан озиқланадилар, шунинг учун улар патларини ўзига хос ва ноёб рангга бўяйдилар. Фламинголар бир оёқда узоқ вақт туриши ва ҳатто шу ҳолатда ухлаб қолиши мумкин. Фламингонинг ўртача умр кўриш давомийлиги тахминан 30 йилни ташкил қилади.
