«Истедим» қўшиғи муаллифи Роза Зергерли Ўзбекистонда катта концерт берди
Озарбайжонлик хонанда Роза Зергерлининг «Истедим» номли таронаси қисқа фурсатда Марказий Осиёда хит даражасига етди.
Kinolarni bepul ko‘rish imkoniyati!
Биргина қўшиғи орқали оламшумул машҳурликка эришган хонанда 14-15 апрель кунлари Тошкентнинг муҳташам «Халқлар дўстлиги» саройида ўзининг илк яккахон концерт дастурини ўзбек тингловчиларига жонли ижрода тақдим этди.
Концерт хонандани машҳур қилган «Истедим» композицияси билан бошланди. Хит таронадан сўнг Розахоним ўзбек мухлислари билан саломлашиб, уларни кўришдан мамнунлигини айтди.
Ушбу концерт озарбайжонлик хонанданинг Ўзбекистондаги илк концерти бўлди. Шунга қарамай, санъат саройи ўзбек ва бошқа миллатга мансуб мухлислар билан тўлди.
Роза Зергерли концертда икки тилда мулоқот қилди. Озар тили туркий халқлар учун бегона эмаслиги сабаб ўзбек мухлислари унинг сўзларини яхши тушунди.
Буни ҳам ўқинг
