Telegramда ўчирилган хабарни қандай тиклаш мумкин: тўлиқ қўлланма

Telegramда ўчирилган хабарни тиклаш

Дастлабки 5 сония ичида тиклаш

Агар сиз шошма-шошарлик билан Telegramда хабар ёки суҳбатни ўчириб қўйган бўлсангиз, бир яхши ва бир ёмон хабаримиз бор. Яхши хабар: уни ўз вақтида ва мустақил равишда тиклаш имконияти мавжуд. Ёмон хабар: бу учун сизда атиги 5 сония вақт бор – бу вақт ичида “Бекор қилиш” тугмаси кўриниб туради. Сизга фақат ушбу тугмани босишга улгуриш керак.

Ҳамкор суҳбатдош ёрдамида тиклаш

Telegramда хабарни ўчиришнинг икки усули бор: фақат ўзингизда ёки ўзингизда ва суҳбатдошда ҳам. Агар сиз фақат ўзингиздан ўчириш вариантини танлаган бўлсангиз, суҳбатдошингиздан хабарни қайта юборишни сўранг.

Telegram техник ёрдам хизмати орқали тиклаш

Агар юқоридаги усуллар ёрдам бермаса, Telegram администрациясидан ёрдам сўрашингиз мумкин. Бунинг учун қуйидагиларни бажаринг:

• Telegramга киринг.
• Созламалар бўлимини очинг.
• Суҳбатлар созламалари (Chat Settings) бўлимини текширинг. Агар бу ерда тиклаш имконияти йўқ бўлса, бошқа усулни танланг.
• Телефонингиздаги исталган браузерни очинг.
• “Тelegram Support” ёки “Telegram Ёрдам” деб қидиринг. Расмий ҳаволага ўтинг.
• Пайдо бўлган саҳифада муаммоингизни ёзинг. 

Мисол учун:

“Салом Telegram! Мен ўз хабаримни ўчириб юбордим ва уни тиклай олмаяпман. Илтимос, бу муаммони ҳал қилишда ёрдам беринг. Раҳмат.”

• Электрон почта манзилингиз ва телефон рақамингизни кўрсатинг. Сўнг “Юбориш” тугмасини босинг.
• Telegram жамоаси хабар, фото, видео ва суҳбатларни тиклашни 48 соат ичида амалга оширишни ваъда беради.

Архив орқали тиклаш

Баъзида тасодифан архивга ўтган чатларни топиш ва тиклаш мумкин. Бунинг учун қуйидагиларни бажаринг:

Мобил қурилмада:

Telegramни очинг. Чатлар рўйхатида пастга тортинг. Бу ҳаракат “Архивланган чатлар”ни (одатда юқорида пайдо бўлади) кўрсатади. “Архивланган чатлар” тугмасини босинг ва барча архивланган чатларни кўринг.

Компютерда:

Telegramнинг компьютер иловасини очинг. Юқоридаги учта чизиқча ёки “Меню” тугмасини топинг. “Архивланган чатлар” бўлимига кириб, керакли чатни топинг.

Архивдан қайтариш

Керакли чатни топгандан сўнг, уни асосий чатлар рўйхатига қайтариш учун: iOS'да чапга, Аdroidда ўнгга суринг. Компютерда чатни ўнг тугма билан босинг ва “Архивдан чиқариш”ни танланг.

Муҳим:

Агар хабар асосий чат ёки архивдан ўчирилиб, бу ўчириш ҳар икки томон томонидан тасдиқланган бўлса, уни тиклашнинг имкони йўқ. Telegram махфийликка катта эътибор қаратади, шунинг учун тасдиқланган ўчиришдан кейин фақат суҳбатдошдан хабар нусхасини олишга ҳаракат қилишингиз мумкин.

Телеграмда ёзишмаларни юклаб олиш

• Telegram Дesktop орқали:

Компютерингизда Telegramни очинг. Сақламоқчи бўлган суҳбатни танланг. Суҳбат устига ўнг тугма билан босинг ва “Чат тарихини экспорт қилиш”ни танланг. Қайси маълумотларни юклаш (хабарлар, фото, видео ва бошқалар) ва қайси форматда сақлашни танланг.

• Муҳим хабарларни скриншот қилинг

Фақат бир нечта хабарни сақлаш керак бўлса, скриншот қилишни унутманг – бу энг осон усул.

• Хабарларни кўчириб, алоҳида ҳужжат яратинг

Кичик ҳажмдаги ёзишмаларни қўлда нусхалаб, матнли файлга жойлаштиришингиз мумкин. Шу тариқа, маълумотларингиз ҳар доим ёнингизда бўлади.

• Telegramда махсус дастурлардан фойдаланиш

Telegram чатларини экспорт қилиш учун махсус дастурлар мавжуд. Бироқ, улардан фойдаланишда эҳтиёт бўлиш керак, чунки улар сизнинг маълумотларингиз махфийлигини бузиши мумкин.

Telegramда маълумотларни сақлашни қандай созлаш мумкин

Мобил қурилмада хотирани бошқариш

Telegram иловасини очинг. “Созламалар” бўлимига ўтинг ва “Маълумотлар ва хотира” бандини танланг. Бу ерда сиз хотирани бошқаришингиз, кешни тозалашингиз ва медиафайлларнинг қурилмангизда қанча вақт сақланишини белгилашингиз мумкин.

Медиа автоматик юклашни созлаш

“Маълумотлар ва хотира” бўлимида мобил маълумотлар ва Wi-Fi учун медиа автоматик юклаш параметрларини созлашингиз мумкин. Шунингдек, қайси турдаги файлларни юклашни танлашингиз мумкин (фото, видео, ҳужжатлар).

Булутдаги маълумотларни сақлаш

Telegram чатларингизнинг барча тарихи булутда сақланади, шунинг учун янги қурилмада ҳисобингизга кирганингизда барча хабарларингизга кириш имконияти мавжуд бўлади. Бунинг учун икки босқичли аутентификацияни ёқиб, ҳисобингизни ҳимоялашни унутманг.

Ушбу усуллар сизга Telegramдаги муҳим ёзишмаларни сақлаш ва махфийликни таъминлашда ёрдам беради. Шунингдек, иловада сақланган барча “сирларга” (очиқ ёки яширин) ҳар доим кириш имккониятингиз бўлади!