Тошкент–Андижон пулли автомобиль йўли олти йил муддатда қурилади
Жараён уч босқичда амалга оширилиб, йўлнинг 64 фоизи янгидан қурилади, қолган 36 фоизи эса реконструкция қилинади.
Yangi yilga eng yaxshi sovg‘ani topdik. BU NIMA?
Тошкент–Андижон пулли автомобиль йўли олти йил муддатда қурилади. Бу ҳақда Стратегик ислоҳотлар агентлиги томонидан ташкил этилган давра суҳбатидаги тақдимотда Транспорт вазири ўринбосари Жасурбек Чориев маълум қилди.
Унга кўра, 314 км узунликдаги йўлнинг 64 фоизи янгидан қурилиши, 36 фоизи эса реконструкция қилиниши кутилмоқда. И-а категориясидаги йўл 6 қатордан иборат бўлиб, унинг қурилиш муддати 6 йил 3 ойни ташкил этади.
Жараён уч босқичда амалга оширилиб, биринчи босқичда Тошкент–Ангрен (78 км), иккинчи босқичда Ангрен–Поп (93 км), учинчи босқичда эса Поп–Андижон (143 км) қисмлари қурилади.
Бунда, йўл цемент-бетон қопламали бўлади. Унда жами 102 та сунъий тузилма қурилади, йўл ўтказгичларнинг жами узунлиги 1122 метрга етади. Шу билан бирга, унда 10та туннель бўлиши ва уларнинг умумий узунлиги 33 километрга етиши кутилмоқда. Энг узун туннель — 6 787 метр.
