«Уч қаҳрамон» фильми қачон премьера қилиниши маълум бўлди
Кинематография агентлиги ҳамда Жамоат хавфсизлиги департаменти ҳамкорлигида суратга олинган «Уч қаҳрамон» фильми 1 декабрь куни премьера қилинади. Бу ҳақда кинокартина режиссёри фильмга бағишланган пресс-конференцияда хабар берди.
Yangi yilga eng yaxshi sovg‘ani topdik. BU NIMA?
8 ноябрь куни «Ренессанс» кино уйида «Уч қаҳрамон» фильмига бағишланган пресс-конференция бўлиб ўтди.
Унда Кинокартина режиссёри ва сценарий муаллифи Шоҳрух Расулов, бош роллардан бири ижрочиси Улуғбек Қодиров ҳамда кинонинг бир қатор ижодий жамоаси иштирок этди.
Бош ролларни ўзбекистонлик таниқли актёр Улуғбек Қодировдан ташқари Шоҳрух Ҳамдамов ва Сирожиддин Сатторов, шунингдек, қозоғистонлик актёр Тауэкел Мусилим ижро этган.
Конференция давомида «Уч қаҳрамон» фильмининг иккинчи катта трейлери намойиш этилди. Шунингдек, кинокартина саунтреклари ҳақида маълумот берилди. Унга кўра, фиилм учун Тоҳир Содиқов ва Шохрух мусиқа ёзган.
«Уч қаҳрамон» фильмида жиноятчиликка қарши курашда бирдамлик, мардлик, жасорат ва қатъият ила ўз хизмат вазифаларини ўтаётган бир қанча Ички ишлар ходимлари фаолияти ҳақида сўз боради.
