Урунгач нефрит кўллари – ҳайратланарли фактлар ва фотосуратлар
Тошкентдан 160 километр узоқликда “дунёнинг ажойиботи” – Урунгач, яъни нефрит кўллари жойлашган. Туристлар ушбу манзарали жойни Россиянинг Байкал ва кичик миниатюра шакли бўлса-да, Швейцария билан бир неча бор таққослаган. Бу бежизга эмас, ахир атрофдаги виқорли тоғлар, мовий кўллар ва табиат манзаралари ҳатто зўр саёҳатчилар томонидан юқори баҳоланади.
Yangi yilga eng yaxshi sovg‘ani topdik. BU NIMA?
Эътиборингизга нефрит кўллари ҳақидаги энг қизиқарли фактларни билиб олишни, шунингдек Урунгачнинг ҳайратомуз фотосуратларини кўриб чиқишни таклиф қиламиз – бу шу қадар гўзал жойки, уни сўз билан таърифлашга тил ожизлик қилади.
Урунгач нефрит кўллари – қизиқарли фактлар:
- Урунгач кўллари сувининг ғайриоддий ранги туфайли “нефрит” номини олган. У ҳақиқатан ҳам яшил, мовий, сариқ ва кулранг туслар уйғунлашган қимматбаҳо ранглар палитрасини эслатади.
- Урунгач юқори ва қуйи кўлдан иборат. Катта Урунгач тошларнинг қулашидан, пастки қисми эса – табиий равишда, ер остидан пайдо бўлган.
- Нефрит кўллари совуқ, аммо чиниққан саёҳатчилар жазирама кунда бир шўнғиб олишни ёқтиради. Таъкидлаш жоизки, ёзда сув ҳарорати 8-10 даражадан ошмайди.
- Юқори Урунгач кўли “хотиржамлик ва илҳом маскани” деб аталади: чунки бу медитация қилиш, келажак орзулари ҳақида ҳаёл суриш, шунингдек стрессдан халос бўлиш учун энг мақбул жойдир.
- Нефрит кўллари Ўзбекистоннинг табиат қўйнидаги энг сўлим диққатга сазовор жойлари: Чорвоқ сув омбори ва Тян-Шан тоғларининг кўзни қувонтирар манзаралари билан ўралган.
Урунгачга қандай борилади?
Нефрит кўлларига саёҳатлар, сайр қилиш ва треккинглар уюштириш сайёҳлар ва маҳаллий аҳоли учун машҳур кўнгилочар машғулотлардан бири ҳисобланади. Урунгачнинг барча гўзаллигини ўз кўзингиз билан кўриш учун Тошкент шаҳридаги сайёҳлик компанияларидан бирига мурожаат қилишингизни маслаҳат берамиз. Улар сизга тажрибали гид ва қулай тур танлаб беришади.
Агар сиз Урунгач нефрит кўлларига тур харид қилишни хоҳламасангиз, у ерга ўз машинангиз ёки таксида боришингиз мумкин. Аммо бундай саёҳатга чиқиш унчалик завқ келтирмайди, чунки сиз йўлда чарчайсиз, балки адашиб қолишингиз мумкин, умуман олганда бундай саёҳат хавфсиз бўлиши ҳам мумкин.
