UzAuto Motors тузилган шартномалар учун тўлов муддати қачон тугашини маълум қилди
GX-Style AT Plus ва GX-Midnight AT модификациялари учун тўловларни қабул қилиш 2 декабрь куни тўхтатилади.
22 ноябрь куни UzAuto Motors Chevrolet Cobalt автомобили учун контрактацияни очганди.
Автомобиль ишлаб чиқарувчисининг матбуот хизмати тузилган шартномалар бўйича тўловлар қачон тугашини маълум қилди.
Хусусан, GX-Style AT Plus ва GX-Midnight AT модификациялари учун тузилган шартномаларга харидорлардан тўловлар 2 декабргача қабул қилинади.
Бундан ташқари, UzAuto Motors фуқаролардан фирибгарлардан эҳтиёт бўлишларини, эълонлар жойлашган сайтлар ва бошқа ташқи сервислар орқали «шартнома сотиб олиш» бўйича шубҳали таклифларга рози бўлмасликларини сўрамоқда.
UzAutoSavdo платформасида харидор ёки дилер мижознинг маълумотларини ўзгартириш имкониятига эга эмаслиги таъкидланган. Фуқаролар мурожаатлари компаниянинг +998 78−141−7777 рақами орқали қабул қилинади.
Буни ҳам ўқинг
