Жаҳон банки Ўзбекистонга 800 млн доллар имтиёзли кредит ажратади

Муаллиф

Маблағлар мамлакатда хусусий сектор, ижтимоий ҳимоя ва иқлим ўзгаришига тайёрлик тизимини ривожлантиришга йўналтирилади.

Yangi yilga eng yaxshi sovg‘ani topdik. BU NIMA?

Жаҳон банки директорлар кенгаши Ўзбекистондаги ислоҳотлар дастурини қўллаб-қувватлаш учун 800 миллион долларлик имтиёзли кредитлар молиявий пакети ажратишни тасдиқлади.

Ҳукуматнинг Жаҳон банки томонидан қўллаб-қувватланаётган ислоҳотлар дастури қуйидаги қўшимча чора-тадбирларни ўз ичига олади:

мамлакатда ишбилармонлик муҳитини яхшилаш;
қишлоқ хўжалиги, темир йўл ва энергетика секторларида самарадорликни ошириш;
давлат молиясини бошқаришни такомиллаштириш;
ижтимоий ҳимоя хизматларидан фойдаланиш имкониятларини кенгайтириш; мамлакатнинг атроф-муҳит ва иқлим ўзгариши билан боғлиқ хатарларга тайёрлигини ошириш.
Ушбу ислоҳотларни амалга ошириш учун Жаҳон банки томонидан 800 миллион доллар миқдоридаги имтиёзли кредитлар ажратилади.

Ушбу маблағлар ҳукуматга халқаро молия бозорларида мавжуд бўлган қарз олиш имкониятларига нисбатан пастроқ фоиз ставкаларида ва кредитни қоплаш учун узоқроқ муддатлар билан тақдим этилади.