Ўзбекистонга электромобиллар импорти йил бошидан буён максимал даражага етди
Автомобилларнинг катта қисми Хитой томонидан етказиб берилган бўлиб, август ойидан Қозоғистон ҳам мамлакатга электромобил импорт қилишни бошлади.
Жорий йилнинг саккиз ойи давомида Ўзбекистонга умумий қиймати 166,8 миллион доллар бўлган 12 913 та электромобил импорт қилинган, дея хабар берди Статистика агентлиги.
Улардан 10,8 миллион долларлик 2471 дона электромобил август ойида етказиб берилди.
Ўзбекистонга электромобилларнинг катта қисми Хитойдан етказиб берилади. Январь ойидан бошлаб импорт ҳажми 12 840 та автомобилни, жумладан август ойида 2 363тани ташкил этди — бу барча импортнинг 99,4 фоизини ташкил этади.
Қозоғистон иккинчи ўринни эгаллаб, 22 та электромобил етказиб берди. Август ойи ўзбекистонлик етказиб берувчилар қўшни давлатдан электромобил импорт қилган биринчи ой бўлди.
Учинчи ўринни 15 та машина билан Гонконг эгаллаган бўлса, тўртинчи ўринни 12 та машина билан Германия эгаллади.
Ёзнинг сўнгги ойида икки давлатдан биттадан машина олиб келинган. Шунингдек, йил бошидан буён мамлакатга БААдан 10 та, АҚШдан 9 та электромобил олиб кирилди.
