Oʻzbekiston media futboli boʻyicha jahon chempionatiga chiqdi
Toshkentning Unwanted Boys futbol klubi media futboli boʻyicha jahon chempionatiga chiqdi.
Yangi yilga eng yaxshi sovg‘ani topdik. BU NIMA?
Bir guruh blogerlardan iborat Unwanted Boys futbol klubi Oʻzbekiston nomidan media futboli boʻyicha jahon chempionatida ishtirok etish huquqini qoʻlga kiritdi.
Kings World Cup Nations musobaqasining nokaut bosqichi uchun qurʼa tashlash marosimi oʻtkazilgan. Unda Oʻzbekiston Saudiya Arabistoni bilan raqib boʻlishi aniq boʻldi.
Qurʼa tashlash marosimini ispan futboli afsonalaridan biri Jerar Pike amalga oshirgan. U jonli efirda Oʻzbekiston jamoasi yetakchisi Islom Abdujabborov bilan ham suhbatlashgan.
Qirollar Millatlar Jahon chempionati 1–12-yanvar kuni Italiyada oʻtkaziladi. Unda 16 ta jamoa qatnashmoqda. Har bir gʻolib keyingi bosqichga oʻtadi. Final uchrashuvi Turindagi Yuventus stadionida oʻtkaziladi.
Unwanted Boys jamoasi noyabr oyi oxirida Markaziy Osiyo Millatlar kubogi musobaqasida gʻolib boʻlgandi. “Kutilganidek, barcha kitoblar yopildi”, deya yozgandi oʻshanda jamoa oʻz posti izohida.
