08.11.2024
Oʻzbekistonda dam olish kunlari nisbatan salqin ob-havo boʻladi
Muallif
Shohzamon Shuhratov
Dam olish kunlari Oʻzbekiston hududi boʻyicha nisbatan salqin ob-havo boʻlishi kutilmoqda, deb xabar berdi “Oʻzgidromet”.
Kunduz kunlari havo harorati 8-13 daraja iliq, baʼzi joylarda 15 darajagacha iliq, kechalari 0-5 daraja iliq atrofida boʻladi.
Ushbu kunlarda respublika hududi boʻyicha yogʻingarchilik kutilmaydi, faqat Qoraqalpogʻiston Respublikasida ayrim joylarda bugun kunduzi biroz yomgʻir yogʻishi, shimolda biroz yogʻingarchilik (yomgʻir, qor) boʻlishi mumkin.
Kechasi va ertalab baʼzi joylarga tuman tushishi mumkin. Shamol sharqdan 7-12 metr/sekund tezlikda esadi. Toshkentda dam olish kunlari yogʻingarchilik kutilmaydi. Harorat asosan kechalari 0-3 daraja iliq, kunduz kunlari 10-13 daraja iliq boʻladi.
