O‘zbekistonda qanday qilib tez va muammosiz tarzda o‘z-o‘zini band qiladigan shaxs maqomini rasmiylashtirish mumkin: yangi boshlovchilar uchun qo‘llanma

O‘zbekistonda qanday qilib o‘z-o‘zini band qiladigan shaxs bo‘lish mumkin? Ro‘yxatdan o‘tish bo‘yicha bosqichma-bosqich yo‘riqnoma:

Soliq mobil ilovasi orqali: PlayMarket / iOS

1. “O‘z-o‘zini band qiladigan shaxslar uchun” bo‘limini tanlang.

2. “Shaxsni tasdiqlash” bo‘limiga JSHSHIR kiriting (u pasportda mavjud). Agar topolmasangiz, “yordam kerak” havolasini bosing.

3. Telefon raqamingizni kiriting va SMS orqali tasdiqlang.

4. Faoliyat turi, hudud va mahallani tanlang.

5. Ro‘yxatdan o‘tishni tasdiqlang – va sizga elektron ma’lumotnoma beriladi.

Agar sizda elektron raqamli imzo (E-Imzo) mavjud bo‘lsa, E-imzo orqali ro‘yxatdan o‘tish yanada tez va oson bo‘ladi.

Elektron ma’lumotnoma oynasida siz ro‘yxatdan faoliyat turini ham belgilashingiz mumkin. Xizmatlarning bir nechta turlarini tanlash mumkin. Shundan so‘ng siz faoliyatni amalga oshirishni rejalashtirgan hudud va tumanni tanlashingiz kerak. Keyin “ro‘yxatdan o‘tish”ga o‘ting. Yakunda siz ro‘yxatdan o‘tganingizni tasdiqlovchi QR kodli ma’lumotnoma beriladi. Uni ko‘rish, yuklab olish va printerda chiqarish mumkin. Buning uchun “ko‘rish” va “yuklab olish” tugmachalarini bosing.

 my.gov.uz portali orqali

1. Agar siz allaqachon ro‘yxatdan o‘tgan bo‘lsangiz, OneID orqali kabinetga kiring. Aks holda – ro‘yxatdan o‘ting.

2. “O‘z-o‘zini band qiladigan shaxslar ro‘yxatidan o‘tkazish” bo‘limiga o‘ting.

3. Faoliyat turi, manzili va telefon raqamingizni kiriting.

4. Shaxsingizni Face ID orqali tasdiqlang.

5. Tayyor – ma’lumotnomangiz va hujjatlaringiz onlayn tarzda beriladi.

Soliq bo‘limiga borib (shaxsan) ro‘yxatdan o‘tish

Agar siz an’anaviy uslub tarafdori bo‘lsangiz, Davlat xizmatlari markazi yoki yaqin soliq bo‘limiga tashrif buyuring. O‘zingiz bilan pasport va JSHSHIRni olib boring.

Ushbu jarayon bepul, ma’lumotnoma joyida beriladi, ro‘yxat doimiy amal qiladi.

Shu bilan birga, siz inspektorga o‘zingizni qiziqtirgan barcha savollaringizni ham berishingiz mumkin.

O‘z-o‘zini band qiladigan shaxs maqomini rasmiylashtirish qancha vaqt oladi?

• Onlayn – 5 dan 10 daqiqagacha (mobil ilova yoki portal orqali).
• Shaxsan – 30 dan 60 daqiqagacha (navbat va anketa to‘ldirish bilan birga).

Ro‘yxatdan o‘tgach nima bo‘ladi?

• Siz shaxsiy QR-kodli ma’lumotnomaga ega bo‘lasiz. U Yagona reyestrda qayd etiladi.
• Soliq ilovasi yoki shaxsiy kabinetda buyurtmalarni rasmiylashtirish, cheklarni saqlash, hisob yuritish mumkin.
• Yiliga bir marta ixtiyoriy ijtimoiy badal to‘laysiz va agar daromadingiz belgilangan chegaradan oshsa – 4% aylanma soliq to‘laysiz.

O‘zbekistonda o‘z-o‘zini band qiladigan shaxslar uchun onlayn kredit: qanday olish mumkin?

Bugungi kunda O‘zbekistonda hatto uydan chiqmasdan turib ham kredit olish mumkin. TBC Bank o‘z-o‘zini band qiladigan shaxslar uchun maxsus taklif taqdim etmoqda.

1. Ilovaga kirasiz.

2. Ro‘yxatdan o‘tasiz.

3. Arizani to‘ldirasiz.

4. Javobni bir daqiqa ichida olasiz.

Endi bankka borish, hujjat yig‘ish va haftalab kutishning hojati yo‘q!

Buning uchun faqatgina o‘z-o‘zini band qiladigan shaxs bo‘lishingiz, faoliyatingizga mos maqsadni tanlashingiz kerak.

Tasdiqlangach, eng yoqimli jarayon amalga oshiriladi – mablag‘lar TBC Bank kartasiga yoki hisob raqamiga o‘tkaziladi. Bunday qo‘llab-quvvatlash bilan biznesingiz gullab-yashnashi aniq!

*So‘nggi 300 000 foydalanuvchi asosida o‘rtacha qaror qabul qilish vaqti – 1 daqiqa. Aniq qaror qabul qilish vaqti mijozning kredit tarixiga bog‘liq va 1daqiqadan kamroq yoki ko‘proq vaqt olishi mumkin. Foiz stavkasi 28 dan 49% gacha, muddati 3oydan 36 oygacha, miqdori 300 000 so‘mdan dan 100 000 000 so‘mgacha. Batafsil ma’lumot – tbcbank.uz.

Qanday qilib o‘z-o‘zini band qiladigan shaxs maqomidan voz kechish mumkin?

Istalgan vaqtda o‘z-o‘zini band qiladigan shaxs maqomidan chiqish mumkin. Jarayon oddiy va ortiqcha hujjatlar talab qilinmaydi.

O‘z-o‘zini band qiladigan shaxs maqomini yopish uchun ariza berish kerak – buning uchun Soliq ilovasi yoki my.gov.uz saytidagi shaxsiy kabinet orqali murojaat qiling. Bir necha kun ichida sizni ro‘yxatdan chiqarishadi. Shuningdek, doimiy ro‘yxatga olingan manzilingizdagi soliq bo‘limiga borib, o‘z-o‘zini band qiladigan shaxs maqomini joyida yopdirishingiz mumkin.

Bosqichma-bosqich yo‘riqnoma jadvali: yakuniy xulosa

Yangi boshlayotganlar uchun maslahatlar

• Soliq ilovasini darhol o‘rnating – bu yangi boshlayotgan o‘z-o‘zini band qiladigan shaxslar uchun eng tez va qulay vosita.
• Face-ID dan foydalaning – bu orqali avtorizatsiya tezroq va ancha ishonchliroq bo‘ladi.
• Buyurtmalaringizni tizim orqali yuriting – daromad va deklaratsiyalarni nazorat qilish osonroq bo‘ladi.
• Agar siz IT sohasida bo‘lsangiz – IT-parkka a’zo bo‘lish imkoniyatini o‘rganing: bu yerda sezilarli imtiyozlar mavjud bo‘lishi mumkin.

O‘zbekistonda o‘z-o‘zini band qiladigan shaxslar maqomi – bu o‘zingiz uchun qonuniy, tez va foydali ishlashning oddiy yo‘li. Ro‘yxatdan onlayn – atigi bir necha daqiqada, soliq bo‘limiga bormasdan, ortiqcha qog‘ozbozliksiz o‘tish mumkin. Bu maqom kam soliq, daromadda erkinlik va rasmiy afzalliklar: pensiya huquqi, kreditlar va davlat dasturlaridan foydalanish imkonini beradi.

O‘z-o‘zini band qiladigan shaxslar jamiyatiga qo‘shiling va o‘zingiz uchun ishonchli, qonuniy va qulay tarzda ishlashni boshlang!