Tom Kruzning “Uddalab boʻlmas topshiriq” filmi premyerasidagi tryuki tomoshabinda yurak xurujiga olib kelishiga sal qoldi
“Uddalab boʻlmas topshiriq: Soʻnggi qasos” filmining rejissyori Kristofer Makkuorri test koʻrsatuvlari paytida tomoshabinlardan birining “yurak xurujiga uchrashiga oz qolganini” maʼlum qildi.
O‘xshash mavzular
05.02.2025
“Biz kichik namoyish oʻtkazdik va kimdir shunday dedi: Butun sahna davomida nafas olishim qiyinlashdi, yuragim toʻxtab qolishiga sal qoldi. Men esa oʻzimcha: Demak, biz hamma narsani toʻgʻri qilgan ekanmiz deb oʻyladim”.
Birinchi treylerga qaraganda, yangi filmda bizni Tom Kruz ijrosidagi Itan Xant tomonidan bajarilgan koʻplab hayajonli truklar kutmoqda. Qahramon samolyot ichida, suv ostida va boshqa gʻayrioddiy joylarda raqiblari bilan kurashadi. Biroq, rejissyor aynan qaysi sahna tomoshabinning kutilmagan reaksiyasiga sabab boʻlganini aniqlashtirmadi.
“Uddalab boʻlmas topshiriq: Soʻnggi qasos” — 1996-yilda boshlangan mashhur josuslik franshizasining sakkizinchi filmi hisoblanadi. Dastlab, u “Oʻlim qasosi” filmining toʻgʻridan-toʻgʻri davomi boʻlishi rejalashtirilgan edi, ammo soʻnggi film muvaffaqiyatsiz chiqqandan keyin “Ikkinchi qism” sarlavhasidan voz kechildi.
Bu seriyaning yakuniy qismi boʻlishi taxmin qilinmoqda, ammo bunday bayonot shunchaki tomoshabinlarni kinoteatrlarga jalb qilish uchun moʻljallangan marketing usuli boʻlishi mumkin. Buning ustiga, Kruz ilgari bu seriyada yana kamida 20 yil davomida suratga tushishni rejalashtirganini aytgan edi.
