04.11.2024
Toshkentda shaxmat boʻyicha xalqaro turnir boʻlib oʻtadi
Muallif
Shohzamon Shuhratov
Toshkent shahrida 16−22-dekabr kunlari shaxmat boʻyicha xalqaro turnir bo‘lib o‘tadi. Bu haqda shahar hokimligi matbuot xizmati xabar berdi.
“Tashkent Chess” xalqaro turniri shaxmatning standart va blits yoʻnalishida oʻtkaziladi. Ushbu musobaqada shaxmatchilar FIDE reytingidagi ochkolariga qarab guruhlarga boʻlinadi.
Bundan tashqari, 12 va undan kichik yoshdagi bolalar ham musobaqa ishtirokchisiga aylanishi mumkin. Baxslarda ishtirok etmoqchi boʻlgan har bir talabgor ushbu havola orqali onlayn roʻyxatdan oʻtishi zarur. Qayd etilishicha, turnirning sovrin jamgʻarmasi 300 million soʻmni tashkil qiladi.
Murojaat uchun telefon raqamlari: (+998) 78−120−0025; (+998) 95−510−0025.
