Trampning yuzi tasvirlangan 250 dollarlik yangi banknotani muomalaga kiritish taklif qilindi
AQShning Janubiy Karolina shtatidan kongressmen Jo Uilson tegishli qonun loyihasi ishlab chiqilganini ma’lum qildi.
Kinolarni bepul ko‘rish imkoniyati!
AQShning Janubiy Karolina shtatidan respublikachi kongressmen Jo Uilson prezident Donald Trampning yuzi tasvirlangan $250lik yangi banknotni muomalaga kiritish taklif qildi.
“O‘ymakorlik va matbaa byurosiga Donald Tramp tasviri tushirilgan $250lik banknot yaratishni buyuradigan qonun loyihasi ishlab chiqilganini minnatdorchilik bilan e’lon qilaman,” — deb yozdi kongressmen “X” ijtimoiy tarmog‘ida.
Respublikachi kongressmen Jo Uilsonga ko‘ra, ushbu banknot Bayden davrida inflyatsiya keskin oshgani uchun zarur.
Ta’kidlanishicha, amerikaliklar o‘zlari bilan juda ko‘p naqd pul olib yurishlari kerak bo‘lmoqda.
“New York Post” gazetasining ta’kidlashicha, Uilsonning qonun loyihasi 1866-yilgi qonunga zid bo‘lib, unga ko‘ra, Amerika pullariga tirik odamlarning portretlarini joylashtirish taqiqlanadi.
O‘xshash mavzular
