Xitoyliklar 2024-yilda qanday avtomobillarda yurdi? Top-7 model
2024-yil yakunlariga koʻra, Xitoyda qaysi avtomobillar eng mashhur? “Xitoy avtomobillari” Xitoyda eng koʻp sotilgan 100 ta modelni tayyorladi. Biz BYD`ning hukmronligi qanday soʻnganini va Xitoyning top-7 brendlari oʻrtasida qanday oʻzgarishlar yuz berganini aniqladik.
O‘xshash mavzular
05.02.2025
1. Tesla Model Y — 480 309 ta sotuv
BYD Xitoydagi yangi avtomobillar bozorining 15% dan ortigʻini egallab turgan boʻlsada, uning yetakchiligiga Tesla soya soldi. Model Y elektr krossoveri Xitoyda eng koʻp sotilgan modelga aylandi va 480 mingdan ortiq nusxada sotildi. 2023-yildan beri Xitoyda Tesla Model Y savdosi 5,2 foizga oʻsdi.
Xitoyda Tesla krossoveri Shanxay zavodida ishlab chiqariladi. 2024-yilgi Model Y uchun narxlar 249,9-263,5 ming yuan (3,5-3,7 million rubl) oraligʻida. 2025-yil yanvar oyida Tesla Xitoyda yangilangan modelni taqdim etdi.
2. BYD Qin Plus — 480 025 ta sotuv
BYD vakillari, ehtimol, ikki karra afsusda. Axir kompaniya nafaqat yetakchilikni amerikalik raqibiga boy berdi, balki atigi 284 ta avtomobil farqi bilan ortda qoldi. Shu bilan birga, BYD Qin Plus dekabrgacha Xitoyda sotuvlar boʻyicha birinchi oʻrinni egallab kelgan edi. Faqat yilning soʻnggi kunlarida Tesla Model Y uni ortda qoldirdi.
BYD Qin Plus “vatani”da arzon segmentdagi avtomobil hisoblanadi va koʻpincha taksi hamda karshering xizmatlarida qoʻllaniladi. Shuningdek, uni xususiy mijozlar ham xarid qiladi. Model gibrid va elektr versiyalarida mavjud. U Xitoyda 79,8-139,8 ming yuan (1,1-1,95 million rubl) turadi.
3. BYD Seagull — 453 593 ta sotuv
Sotuvlar boʻyicha uchinchi oʻrinni BYD Seagull elektr xetchbeki egalladi. Oʻtgan yil boshida kompaniya funksional jihozlar roʻyxatini kengaytirish bilan bir vaqtda narxni 5% ga tushirish orqali ushbu modelga qiziqishni oshirdi. Natijada model sotuvi 2023-yilga nisbatan 89,5 foizga oʻsdi. Xitoyda Seagullning joriy narxlari 69,8-85,8 ming yuanni (1-1,2 million rubl) tashkil etadi.
4. BYD Song Plus — 418 474 ta sotuv
Xitoyda sotuvlar boʻyicha toʻrtinchi oʻrinni BYD Song Plus krossoveri egalladi. Bu model yanada yuqori pogʻonani egallashi mumkin edi, ammo BYDning siyosati yana toʻsiq boʻldi. Kompaniya muqobil dizaynga ega Song Plusʼning toʻgʻridan-toʻgʻri analogini bozorga chiqardi. U Song L DM-i nomini oldi. 2024-yilda uni 109 mingdan ortiq mijoz xarid qildi. Shunday boʻlsada, Song Plus sotuvi 7,2% ga oʻsdi.
Xitoyda BYD Song Plus gibrid va elektr versiyalarida sotib olish mumkin. Uning narx oraligʻi 129,8-189,8 ming yuanni (1,8-2,65 million rubl) tashkil etadi.
5. Nissan Sylphy — 343 395 ta sotuv
Sotuv reytingida 2022-yilda Xitoyning eng mashhur avtomobili - yapon Nissan Sylphy beshinchi oʻrinni egalladi. Eslatib oʻtamiz, 2023-yil yakunlariga koʻra, u toʻrtinchi oʻrinda edi. Ammo endi uning sotuvi 8,6 foizga kamaydi. Bu benzinli avtomobillarga boʻlgan talabning pasayishi natijasi. Xitoylik xaridorlar tobora koʻproq elektromobillar va gibridlarni afzal koʻrmoqda.
Nissan Sylphy Xitoyda Nissan va Dongfeng qoʻshma korxonasi tomonidan ishlab chiqariladi. Xitoyda narxi 108,6-174,9 ming yuanni (1,5-2,45 million rubl) tashkil qiladi.
6. Volkswagen Lavida — 322 933 ta sotuv
SAIC-Volkswagen qoʻshma korxonasining Volkswagen Lavida sedani 2023-yilga nisbatan bir pogʻona pastga tushib, oltinchi oʻrinni egalladi. Uning sotuvi 6,6% ga kamaydi. Xitoyda Lavidaʼni 93,9-151,9 ming yuanga (1,3-2,1 million rubl) sotib olish mumkin.
7. BYD Yuan Plus — 275 223
BYD Yuan Plus elektr krossoveri 2024-yil yakunlari boʻyicha Xitoyda sotuvlar boʻyicha yettinchi oʻrinni egalladi. Koʻplab BYD modellaridan farqli oʻlaroq, uning sotuvi sezilarli darajada — 11,1 foizga kamaydi. Buning sababi, Yuan Plus allaqachon eskirishni boshlagan. 2025-yilda ushbu model yangilanadi va boy berilgan oʻrinlarni qaytarishga harakat qiladi. Xitoyda BYD Yuan Plus narxlari 119,8-147,8 ming yuan (1,65-2,05 million rubl) oraligʻida.
