12 yoshli bola fastfudni suiisteʼmol qilgani uchun koʻr boʻlib qoldi
Massachusetslik oʻsmir muvozanatsiz parhez tufayli koʻrish qobiliyatini yoʻqotgan: uning ratsionida ozuqa moddalari kam edi. Natijada koʻrish nervlari tiklanmay atrofiyaga uchragan. Bu haqda “New England Journal of Medicine” jurnali maʼlum qildi.
Bolada ilgari autizm aniqlangan, uning koʻrinishlaridan biri maʼlum turdagi mahsulotlarni rad etish edi. Masalan, uning ovqati asosan burgerlar, fri kartoshkasi, ranch sousi, ponchiklar va sharbatdan iborat edi.
Joriy yilning boshida oʻsmirda uyqudan oldin va keyin koʻrish bilan bogʻliq muammolar boshlangan edi. Kun boʻyi u meʼyorida boʻldi. Ammo simptomlar keskin yomonlasha boshladi va olti haftadan keyin bola ota-onasining yordamisiz harakatlana olmasdi. Bir kuni kechasi u koʻzini butunlay yoʻqotganini aytib qichqirib uygʻondi.
Shifoxonada oʻtkazilgan tadqiqot davomida tahlillar shuni koʻrsatdiki, bolaga koʻrish nervlari salomatligi uchun hayotiy muhim boʻlgan oziq moddalar yetishmaydi. Davolash boshlanganiga qaramay, shifokorlar koʻrishning toʻliq tiklanishiga umid qilishmaydi: bu bosqichda oʻzgarishlar ortga qaytmaydi.
Hozir bemor A, C, D va K vitaminlari, shuningdek, kalsiy, tiamin, mis va rux qoʻshimchalarini oladi, shuningdek, u xulq-atvor terapiyasi tufayli salat va pishloq isteʼmol qila boshladi. Biroq, oʻsmir sharbatning yangi taʼmini sezishi bilanoq (qoʻshimchalar tufayli), darhol undan voz kecha boshladi.
Boston bolalar shifoxonasi shifokorlarining taʼkidlashicha, oʻgʻil bolada oldini oluvchi/cheklovchi ovqatlanish buzilishi (ARFID) mavjud: u u yoki bu darajada autizmli bolalarning yarmida uchraydi. Ovqatlanish xususiyatlari ilgari bunday jiddiy oqibatlarga olib kelmagan, ammo tez ovqatlanish tufayli koʻrish bilan bogʻliq muammolar allaqachon Buyuk Britaniya va AQSHda qayd etilgan.
