2025-yil moda trendlari: ularni kiyishadi, suratga olishadi va stilizatsiya qilishadi
Pinterest tahlilchilari moda bilan hamnafas yuradiganlar orasidagi so‘rovlarning mashhurligi asosida yilning asosiy trendlari bo‘yicha hisobot taqdim etishdi. Biz esa 2025-yilda dekor, moda va ijtimoiy tarmoqlar kontenti bo‘yicha biz bilan birga bo‘ladigan 5 ta estetika yo‘nalishini ajratib ko‘rsatdik.
Kinolarni bepul ko‘rish imkoniyati!
2025-yilning Top-5 moda yo‘nalishlari
Castle Core
2025-yilda o‘rta asrlar estetikasining cho‘qqisi bo‘ladi. Bu yo‘nalishda hamma narsa qasrlar, gotika uslubi, vitrajlar, to‘q va xira ranglar, shuningdek, boy teksturalar bilan bog‘liq. Ilhomni “Uzuklar hukmdori” film seriyasidan, ritsarlar va malikalarga bag‘ishlangan romanlardan yoki “Ajdar uyi” kabi seriallardan olish mumkin.
Rococo Revival
“Brijertonlar” seriali va “Mariya-Antuanetta” filmi muxlislari, tayyorlaning! Chunki bu sizning yilingiz. Kechalar, tadbirlar, korporativlar va obrazlar – barchasi rokoko uslubida bo‘ladi. Oddiy qilib aytganda, bu trend nafislikni aks ettiradi: korsetlar, turli volanlar, burma hoshiyalar, shuningdek, pastel ranglar ko‘payadi. Qiziq tomoni shundaki, o‘zbek blogeri xuddi shu yo‘nalishni oldindan his qilgandek, shunga o‘xshash uslubda to‘y o‘tkazgan edi.
Sea Witchery
Disneyning Ariel haqida suratga olingan multfilmida ulg‘ayganlar uchun estetika. Dengiz parilari uslubi yana qaytmoqda va bu juda keng ko‘lamda amalga oshiriladi. Yorug‘lik va soyalar o‘yini (ayniqsa makiyajda), kiyimlarda yashil va ko‘k ranglar, shuningdek, tirnoqlarda marvariddek yaltirash trend bo‘lishi kutilmoqda.
Dolled Up
Qo‘g‘irchoq mavzusi – ichki bolalikka hurmat ifodasi. Bugungi kunda barchamizga bolalikdagi beg‘uborlik yetishmayotgani aniq, shuning uchun bu estetika paydo bo‘ldi. Bu – har bir narsadan quvonch topadigan bolalik dunyosiga qaytish imkoniyatidir. Uyda rang-barang idishlar va shamlardan tortib, soch to‘g‘nog‘ichlari va rangli kiyimlargacha. Hatto eski o‘yinchoqlar ham qaytmoqda. Masalan, Balenciaga VIP mijozlari uchun o‘ziga xos tetrislarni chiqardi.
Moto Boho
2025-yil trendi – erkinlik va dadillik haqida. Qo‘pol teksturalar va tabiiy charm nozik matolar bilan uyg‘unlashib, isyon va romantika o‘rtasidagi muvozanatni yaratadi. Shunday ekan, ipak toplaringizni chiqarib, temir tishlar bilan bezatilgan etiklar bilan uyg‘unlashtirishdan qo‘rqmang – siz albatta trendda bo‘lasiz!
O‘xshash mavzular
