2025-yilning eng talabgir modellari — ulardan biri Leonardo DiKaprioning sevgilisi!

Bella Hadid

U nafaqat eng talabgir, balki plastik jarrohlar va “oltin nisbat” mezoniga ko‘ra eng chiroyli model hisoblanadi. Avval musiqachi The Weeknd bilan uchrashgan, lekin haqiqiy baxtini oddiy otboqar yigit bilan topgan. Chunki Bella otlarni juda yaxshi ko‘radi!

Tug‘ilgan sanasi: 1996-yil 9-oktabr

Burji: Tarozi

Tug‘ilgan joyi: AQSh, Vashington

Vazni va bo‘yi: 50 kg, 175 sm

Karyerasi: 17 yoshida model sifatida ish boshlagan. Dastlab dunyoning yetakchi model agentligi bilan shartnoma imzolagan. Chaneldan Diorgacha barcha lyuks brendlar ko‘rgazmalarida qatnashgan. Nike, Calvin Klein va Bulgari kabi brendlarning yuzi bo‘lgan.

Yutuqlari: Forbes jurnalining “dunyodagi eng nufuzli shaxslar” ro‘yxatiga kiritilgan. Vogue jurnali muqovalarida bir oy ichida 8 ta mamlakatda chiqqan yagona model sifatida rekord o‘rnatgan.

Kendall Jenner

Kim Kardashyanning singlisi, mashhur bloger va latofatli model. Ko‘plab sportchilar va musiqachilarning yuragini zabt etgan. So‘nggi shov-shuvli muhabbati — Bad Bunny bilan bo‘lgan.

Tug‘ilgan sanasi: 1995-yil 3-noyabr

Burji: Chayon

Tug‘ilgan joyi: AQSh, Los-Anjeles

Vazni va bo‘yi: 54 kg, 180 sm

Karyerasi: 14 yoshida Wilhelmina Models bilan shartnoma imzolagan va Forever 21 kampaniyasida suratga tushgan. 2014-yildan boshlab Givenchy, Chanel va Marc Jacobs bilan ishlagan. Kardashyanlar oilasi shousida ishtirok etgan.

Yutuqlari: Karl Lagerfeld taklifi bilan Chanel yuzi bo‘lgan. Google’da eng ko‘p izlangan model bo‘lgan. Daily Front Row tomonidan “O‘n yillik modalar ikonasi” deb e’tirof etilgan.

Adut Akech

Eng talabgir qora tanli modellardan biri, uni “ikkinchi Naomi” deb atashadi. Lagerfeld bilan podiumda chiqqan, Pirelli taqvimida suratga tushgan va Instagram’da bir yil ichida rekord darajada obunachi to‘plagan.

Tug‘ilgan sanasi: 1999-yil 25-dekabr

Burji: Tog‘ echkisi

Tug‘ilgan joyi: Janubiy Sudan

Vazni va bo‘yi: 57 kg, 178 sm

Karyerasi: 13 yoshida podiumda debyut qilgan, ammo 2018-yilda mashhurlikka erishgan. Prada, Ralph Lauren, Louis Vuitton ko‘rgazmalarida qatnashgan. Versace tarixidagi eng uzoq reklama kampaniyasida suratga tushgan. Vogue muqovasida 5 marta chiqqan.

Yutuqlari: Models.com saytining 2022-yilgi “Eng yaxshi model” nominatsiyasi g‘olibi.

Jiji Hadid

Bella Hadidning opasi va uning to‘liq aksi: yorqin kulgu, sarg‘ish sochlar. Bredli Kuperning sevgilisi, avvalroq musiqachi Zayn bilan munosabatda bo‘lgan. Juftlikning qizi ham bor.

Tug‘ilgan sanasi: 1995-yil 23-aprel

Burji: Buzoq

Tug‘ilgan joyi: AQSh, Los-Anjeles

Vazni va bo‘yi: 57 kg, 178 sm

Karyerasi: bolaligidan model sifatida faoliyat yuritgan — bolalar brendlarining reklama kampaniyalarida ishtirok etgan. Tom Ford, Victoria’s Secret, Jacquemus kabi brendlar bilan ishlagan.

Yutuqlari: Pirelli’ning 2015-yilgi taqvimida suratga tushgan. 2016-yilda Fashion Awards tomonidan “Xalqaro yil modeli” deb tan olingan. Guest In Residence kiyim brendiga asos solgan.

Vittoria Cheretti

Va nihoyat, ko‘pchilikning savoliga javob: “Leonardo DiKaprio kim bilan uchrashmoqda?” — tanishing, bu 2025-yilning eng talabgir modellaridan biri — Vittoria Cheretti. Eng qiziq tomoni: u 25 yoshdan katta va aktyorning qayliq tanlash “qoidalarini” sindirgan!

Tug‘ilgan sanasi: 1997-yil 7-iyun

Burji: Egizaklar

Tug‘ilgan joyi: Italiya, Bresha

Vazni va bo‘yi: 55 kg, 178 sm

Karyerasi: 14 yoshida model sifatida ish boshlagan. Prada, Bulgari, Dolce&Gabbana, Tory Burch, Versace, Chanel, Dior, Louis Vuitton kabi brendlar bilan ishlagan.

Yutuqlari: Vogue jurnalining 23 ta muqovasi, 400 dan ortiq podium chiqishlari va “Italiyadagi eng mashhur model” unvoniga ega.