Abbosbek Fayzullayev Yevropa klubiga oʻtish mumkin: transfer narxi maʼlum boʻldi
Moskvaning SSKA futbol jamoasi oʻyinchisi Abbosbek Fayzullayev Fransiyaning “Monako” jamoasi tarkibiga qoʻshilishi mumkin.
“RB Sport” nashrining yozishicha, 1-liga klubi 21 yoshli oʻzbekistonlik halfbek uchun 15 million yevro toʻlashga tayyor. Biroq armiyachilar rahbariyati futbolchini hech boʻlmaganda qishki transfer oynasining oxirigacha ushlab turish niyatida.
Qizigʻi shundaki, “Monako”da Fayzullayev pozitsiyasida rossiyalik yarim himoyachi Aleksandr Golovin oʻynaydi. Joriy mavsumda Fayzullayev SSKA safida 22 ta oʻyin oʻtkazib, 3 ta gol va 6 ta golli uzatmani amalga oshirdi.
Transfermarkt maʼlumotlariga koʻra, futbolchining qiymati ayni paytda olti million yevroga baholanmoqda, bu esa “Monako” taklifini uning bozor narxidan deyarli uch baravar yuqori qiladi.
