04.04.2025
Abduqodir Husanovning jamoadoshlaridan biri “Manchester Siti”dan ketmoqda
Muallif
Shohzamon Shuhratov
Futbolchi 10 yillik faoliyatidan soʻng klubni erkin agent sifatida tark etadi.
Belgiyalik yarim himoyachi Kevin De Bryuyne mavsum yakunida “Manchester Siti”ni tark etishini eʼlon qildi. Tegishli postni u oʻzining Instagramdagi sahifasiga joylashtirdi.
Futbolchi 10 yillik faoliyatidan soʻng klubni erkin agent sifatida tark etadi. De Bryuyne jamoa safida 413 ta oʻyinda maydonga tushib, 106 ta gol urgan va 174 ta golli uzatmani amalga oshirgan. “Shaharliklar” safida 33 yoshli belgiyalik 18 ta sovrinni qoʻlga kiritgan.
U joriy mavsum barcha musobaqalarda 31 ta oʻyinda maydonga tushib, 4 ta gol va 7 ta assistni oʻz hisobiga yozdirib qoʻydi.
