Erkaklar Marsdan, ayollar esa Venera sayyorasidan va munosabatlar haqida o‘qishga arzigulik yana 5 ta kitob
Agar siz sog‘lom munosabatlarga intilayotgan bo‘lsangiz, eng yaxshi narsa – bu o‘zingiz va juftingizni tushunish va eshitishdir. Munosabatlar haqidagi yaxshi kitoblar esa bu yo‘ldagi ishonchli yordamchingiz bo‘la oladi. Ularni o‘qing, muhokama qiling va ulardagi tavsiyalarni hayotga tatbiq eting – shunda sevgingiz kun sayin mustahkamlanib boradi.
Kinolarni bepul ko‘rish imkoniyati!
“Erkaklar Marsdan, ayollar esa Venera sayyorasidan” – Jon Grey
Bu klassika janri bo‘lib, so‘nggi o‘n yilliklarda munosabatlar haqida eng mashhur kitoblardan biri. Muallif erkaklar va ayollar fikrlash tarzidagi hamda xatti-harakatlardagi asosiy farqlarni tushuntirib beradi.
“Nega erkak jim, lekin ayol gaplashmoqchi? Nega ayol e’tibor kutadi, erkak esa yechim?”
Ushbu kitob qarama-qarshi jins vakillarini ayblovlarsiz va e’tirozsiz tushunishga o‘rgatadi, bu esa uni juftlikdagi uyg‘unlik sari haqiqiy yo‘l ko‘rsatkichga aylantiradi.
“Bir-birimizga mos kelamizmi?” – Amir Levin, Reychel Xeller
Agar sizni munosabatlar psixologiyasi qiziqtirsa, bu qo‘llanma – albatta o‘qilishi kerak bo‘lgan asar. Psixiatr va bog‘lanish mexanizmlarini o‘rganuvchi Amir Levin turli bog‘lanish tiplari (ishonchli, xavotirli, qochuvchi) bizning juft tanlashimiz va munosabatlardagi xatti-harakatlarimizga qanday ta’sir ko‘rsatishini tushuntiradi. Nega biz “sovuq” odamlarga talpinamiz va qanday qilib bunday toksik ssenariylarni takrorlashni to‘xtatish mumkin?
“Bir-birimizga mos kelamizmi?” kitobi emotsional tebranishlardan charchagan va barqaror muhabbatni qurmoqchi bo‘lganlar uchun ayni muddao.
“Muhabbatga qaramlik” – Aleksandr Nosov
Munosabatlar haqidagi eng chuqur kitoblardan biri bo‘lib, og‘riqli bog‘lanishlarni yoritadi. Psixoterapevt Aleksandr Nosov muhabbatga qaramlik qanday shakllanishini va nima uchun biz o‘zimizni vayron qiluvchi aloqalarga yopishib olishimizni tushuntiradi.
Bu kitob “haddan ortiq sevaman” deganlarni, rashk, aybdorlik tuyg‘usi bilan qiynalayotganlarni qiziqtiradi. Kitob nafaqat og‘riq haqida, balki o‘zini anglash va ichki ishlar orqali erkinlikka olib boruvchi yo‘l haqida hamdir.
“Baxtli munosabatlar uchun 1000 kichik odat” – Mark Chernoff
Agar siz amaliy psixologiyaga oid kitoblar qidirayotgan bo‘lsangiz, ushbu asarga e’tibor qarating. Bu kitob haqiqiy kundalik-yordamchi bo‘lib, unda juftliklar uchun sodda va samarali odatlar jamlangan.
Uxlashdan oldin o‘pish. Ertalab minnatdorchilik bildirish. Haftada bir marotaba birga orzu qilish. Oddiy narsalar, to‘g‘rimi? Ammo aynan shu oddiy va mayda odatlar – uzoq va baxtli munosabatlarning asosidir.
“Baxtli munosabatlar uchun 1000 kichik odat” kitobi – sevgi uchun yaratilgan fitnes-trekkerdir.
“8 muhim uchrashuv” – Jon Gottman, Juli Gottman
Mualliflar – turmush o‘rtog‘i bo‘lgan juftlik va oilaviy psixologiya sohasidagi yetakchi mutaxassislar. Ularning yondashuvi 40 yillik tadqiqotlarga asoslangan. “8 muhim uchrashuv” asari – juftliklar o‘rtasidagi chuqur muloqotni yo‘lga qo‘yish uchun tuzilgan amaliy qo‘llanma.
Har bir “uchrashuv” – alohida mavzu: yaqinlik, moliya, maqsadlar, oila, jinsiy hayot, ruhiylik, nizolar haqida suhbatlardan iborat. Siz bu kitobni o‘qir ekansiz, nafaqat yangi narsalarni o‘rganasiz, balki juftingiz bilan ushbu mavzularni birgalikda boshdan kechirasiz. Bu kitob – bir-birini chin dildan eshitmoqchi va munosabatlarini chuqurlashtirmoqchi bo‘lgan juftliklar uchun ajoyib tanlov.
Bonus: “Erkaklar uchun 5 sevgi tili” – Geri Chepmen
Mashhur “besh sevgi tili” nazariyasining erkaklarga moslashtirilgan holdagi ko‘rinishi. Bu kitob ayollarni haqiqiy tushunish, his-tuyg‘ularni ular qabul qiladigan tarzda ifoda etish yo‘llarini o‘rgatadi. Juftingizga bu kitobni sovg‘a qiling – bunday sovg‘a unga bo‘lgan e’tiboringizni ta’kidlaydi.
O‘xshash mavzular
