Fransuzcha soch turmagidan yunoncha uslubgacha bo‘lgan sinab ko‘rishga arziydigan 5 ta chiroyli soch turmagi

1. Fransuzcha soch o‘rimi

Bu eng chiroyli va universial soch turmaklaridan biri bo‘lib, kundalik turmaklashga ham, alohida holatlar uchun ham mos keladi. U oddiy soch kokilidan shunisi bilan farq qiladiki, boshning tepasidan boshlab va muntazam ravishda boshning ikkala tomonidan soch o‘ramlarini qo‘shgancha uchta o‘ramdan o‘riladi.

Bu qanday qilinadi:

1. Kichikroq soch hududini ajratgancha boshning tepasidan boshlang.

2. Sochlarni uchta teng tutamga ajrating.

3. Sochni boshning yon qismlaridan navbatma-navbat o‘ramlar qo‘shgancha o‘rib boring. Har safar soch tolalarini qo‘shganda ularning tarangligini sinchkovlik bilan kuzatishga harakat qiling, shunda soch tolasi zich bo‘ladi.

4. Barcha sochlar o‘rilgach, to oxiriga yetmaguncha odatdagi sochni o‘rishda davom eting.

5. Sochining uchini rezinka bilan mahkamlang, istasangiz, soch o‘rimlarini biroz bo‘shating, shunda sochining hajmi kattaroq va yumshoqroq bo‘ladi.

Mos keladi: bu uslubga to‘g‘ri va to‘lqinsimon sochlar bilan erishish oson. Soch, ayniqsa, kechki liboslarda juda tartibli va zamonaviy ko‘rinadi.

2. “Baliq dumi” soch turmagi

“Baliq dumi” soch o‘rimi - bu juda chiroyli ko‘rinadigan va nafis tasvirlarni yaratish uchun mos keladigan chiroyli va murakkab soch o‘rimi. Bu ikki qavatli soch o‘rish hisoblanib, siz ikkita katta soch tutamining har birining tashqi tomonidan kichik tutamlarni navbatma-navbat o‘raysiz.

Bu qanday qilinadi:

1. Sochlarni teng ikki qismga ajrating.

2. Har bir tomondan bittadan ingichka soch o‘ramini ajrating va ularni o‘zaro tutashtiring: chap o‘ramni o‘ng tomonga o‘tkazing va aksincha.

3. Jarayonni soch uchlariga yetguncha takrorlang.

4. Soch o‘ramini rezinka bilan mahkamlang.

5. Hajm berish maqsadida  soch o‘ramini yanada hajmli qilgancha biroz torting.

Uzoq yoki o‘rtacha uzunlikdagi sochlarga juda mos keladi. Bu kechki tadbirlar yoki to‘ylar uchun ajoyib tanlovdir.

3. Sharshara soch turmagi

“Sharshara” soch turmagi - bu ajoyib va romantik soch turmagi bo‘lib, unda soch tutamlari yon tomonlarga “tushadi” va sharshara illyuziyasini yaratadi. Bu soch turmagi katta mahorat talab qilmaydi, lekin ajoyib ko‘rinishga ega bo‘ladi.

Bu qanday qilinadi:

1. Sochni ikki qismga (ustki va ostki) bo‘lish bilan boshlang.

2. Odatdagi fransuzcha soch o‘ramini boshning yuqori qismida o‘ring, lekin barcha soch tolalarini bir-biriga qo‘shib o‘rmang.

3. Har bir qismni o‘rish paytida pastroqda joylashgan sochlarni qo‘yib yuboring, ular yon tomonlarga erkin tushsin.

4. Faqat yuqorigi soch tolalarini o‘ring va shu tarzda o‘rishni butun bosh bo‘ylab davom ettiring.

5. Sochni ko‘rinmas narsalar yoki rezinka yordamida ensangizga mahkamlang, qolgan sochlaringizni chiroyli qilib yoyib qo‘ying.

Uzun sochlarda juda yaxshi ko‘rinib, ularga mos keladi. Bu soch turmagi kelinlar yoki romantik oqshomlarda qo‘l keladi.

4. Hajm berilgan soch turmagi

Hajm berilgan soch turmagi - bu sochlarga quyuqlik va tekstura qo‘shishning ajoyib usuli. U oddiy soch o‘rimi bo‘lib, faqat qo‘shimcha hajm beriladi, u soch o‘ramlarini tortish va ularni bo‘shashtirish hisobiga yaratiladi.

Bu qanday qilinadi:

1. Oddiy (fransuzcha yoki gollandcha) soch o‘ramini o‘rang.

2. Soch o‘rami tayyor bo‘lgach, har bir o‘ramni o‘rtasidan boshlab, uchlariga tomon ehtiyotkorlik bilan torting.

3. Bu sochning hajmini oshiradi va uni yanada ko‘tarib turadi.

4. Soch o‘rami uchini rezinka bilan mahkamlang va tolalarni yaxshilab tekislab qo‘ying.

Ushbu soch turmagi har qanday uzunlikdagi sochlar uchun mos keladi. U biroz jingalak yoki teksturalangan sochlarda ayniqsa yaxshiroq ko‘zga tashlanadi.

5.  Yunoncha soch o‘rami

Yunoncha soch o‘rami - bu sochlarni o‘rashning zamonaviy va nafis usuli. Bunday soch o‘rash  elementlarini birlashtiradi va lentalar, oltin zanjirlar yoki munchoqlardan foydalaniladi, bu esa obrazga latiflik va qadimgi yunon uslubini baxsh etadi.

Bu qanday qilinadi:

1. Sochni o‘ram qilib yig‘ish yoki ikki qismga ajratish bilan boshlang.

2. Soch o‘ramini odatdagidek, unga ingichka lentalar yoki bezak elementlarini qo‘shib o‘rang.

3. Sochni o‘rashda  o‘ramni yanada qalin va erkinroq ko‘rinishi uchun uni yaxshilab tartibga soling.

4. Soch o‘rami uchini lenta yoki bezak bilan mahkamlang.

Yunoncha soch o‘rami uzun sochlar uchun juda mos keladi va bunday soch turmagini to‘ylarda, kechki tadbirlarda qo‘llash mumkin.

Ushbu soch turmaklari zamonaviy va nafis ko‘rinish beradi va ularning har birini o‘ziga xos qiyofa yaratish maqsadida shaxsiy afzalliklarga moslashtirishingiz mumkin.