Futbol bo‘yicha Fransiya terma jamoasi Millatlar Ligasining bronza medali sovrindori bo‘ldi
Futbol bo‘yicha Fransiya terma jamoasi Millatlar ligasi 3-o‘rin uchun bahsda Germaniya terma jamoasi ustidan 2:0 hisobida g‘alaba qozondi. Uchrashuv Shtutgartda bo‘lib o‘tdi.
Kino va seriallarni 7 kun bepul tomosha qiling
Uchrashuvning 45-daqiqasida Fransiya terma jamoasi sardori Kilian Mbappe hisobni ochdi. Ispaniyaning “Real” klubi hujumchisi uchun bu gol Fransiya terma jamoasi safidagi 50-gol bo‘ldi. U bu ko‘rsatkichga erishgan uchinchi futbolchi bo‘ldi, undan ko‘proq gol Olive Jiru (57) va Terri Anri (51) tomonidan urildi. Shuningdek, fransuzlar safida Maykl Olise (84-daqiqa) ham o‘z nomini tabloga yozdirib qo‘ydi.
Fransiya terma jamoasi Millatlar Ligasida ikkinchi marta kuchli to‘rtlikka kirdi. 2021-yilda jamoa finalda ispanlarni mag‘lub etib (2:1) turnir g‘olibi bo‘ldi. Germaniya terma jamoasi Millatlar Ligasi yarim finaliga birinchi marta chiqdi.
O‘xshash mavzular
