Gangster va mafiyalar faoliyati haqidagi eng yaxshi filmlar

Yaxshi yigitlar

• Ishlab chiqarilgan yil: 1990
• Mamlakat: AQSH
• Rejissyor: Martin Skorseze
• Bosh rollar: Robert De Niro, Rey Liotta, Jo Peshi
• Kinopoisk reytingi: 8,1
• IMDb reytingi: 8,7

Film oʻz sheriklari Jimmi Konvey va Tommi DeVito bilan birga oʻgʻirlik bilan shugʻullanib keladigan, yoʻliga toʻsqinlik qilgan har qanday odamni osongina oʻldiradigan Genri Xill haqida hikoya qiladi. Martin Skorsezening shedevrlaridan biri.

Kazino

• Ishlab chiqarilgan yil: 1995
• Mamlakat: AQSH
• Rejissyor: Martin Skorseze
• Bosh rollar: Robert De Niro, Sheron Stoun, Djo Peshi
• Kinopoisk reytingi: 8,1
• IMDb reytingi: 8,7

Hech kim Sem Rotshteyn bilan tenglasha olmaydi. Hech kim u kabi pul ishlashni bilmaydi. Hech kim mehnatkash Sem kabi fidokorona va aniq ishlashni bilmaydi. Oʻzining shubhasiz xizmatlari uchun Rotshteyn “As” laqabini oldi. Va shuning uchun mafiya boshliqlari Asga Las-Vegasdagi ulkan hashamatli kazinoni boshqarishni ishonib topshirishga qaror qilishdi. Va Semning ishiga hech kim xalaqit bermasligi uchun mafiozi Rotshteynning bolalikdagi doʻsti Nikki Santoroni, ashaddiy bandit va shafqatsiz bezorini yuboradi.

Bir zamonlar Amerikada

• Ishlab chiqarilgan yil: 1983
• Mamlakat: AQSh, Italiya
• Rejissyor: Serjo Leone
• Bosh rollar: Robert De Niro, Jeyms Vuds, Elizabet Makgovern
• Kinopoisk reytingi: 8,3
• IMDb reytingi: 8,3

Rejissyor Serjo Leone tomonidan suratga olingan ushbu film ham XX asr kinematografiyasining eng mashhur asarlaridan biriga aylangan.

Yigirmanchi yillarda, Amerika jazz sadolari ostida dam olayotgan va har bir daydi millioner boʻlishni orzu qilgan paytda, bir necha yigit Nyu-Yorkning xarobalarida uchrashishadi. Ular o‘zlari uchun eng muhimi do‘stlik, burch va adolat ekanini aytib, qasam ichishadi. Koʻp yillar oʻtib, afsonaviy gangsterlar bir-birini himoya qilishadi. Bu voqea Amerikada bir marta sodir boʻlgan.

Choʻqintirgan ota

• Ishlab chiqarilgan yil: 1972
• Mamlakat: AQSh
• Rejissyor: Frensis Ford Koppola
• Bosh rollar: Marlon Brando, Al Pachino, Robert Dyuvall
• Kinopoisk reytingi: 8,7
• IMDb reytingi: 9,2

Gangsterlar, mafiyalar va uyushgan jinoyatchilik haqidagi kino tarixidagi asosiy filmlardan biri. Koppola Korleone oilasi haqida uchta film suratga olgan va ushbu film trilogiyaning birinchi filmi hisoblanadi. Umuman olganda, “Choʻqintirgan ota” ta’rifga va maqtovlarga muhtoj boʻlmagan kam sonli filmardan biri.

Choʻqintirgan ota II

• Ishlab chiqarilgan yil: 1974
• Mamlakat: AQSh
• Rejissyor: Frensis Ford Koppola
• Bosh rollar: Al Pachino, Robert De Niro, Robert Dyuvall
• Kinopoisk reytingi: 8,5
• IMDb reytingi: 9,0

Don Korleone va uning oʻgʻli uchun maqsadlariga erishishda hech qanday toʻsiq boʻlishi mumkin emas. Ular patriarxal Sitsiliya qonunlariga koʻra qurilgan mafiyani juda pragmatik, jiddiy korporatsiyaga aylantirishadi.

Jonni D

• Ishlab chiqarilgan yil: 2009
• Mamlakat: AQSh
• Rejissyor: Maykl Mann
• Bosh rollar: Jonni Depp, Kristian Beyl, Marion Kotiyyar
• Kinopoisk reytingi: 7,1
• IMDb reytingi: 6,9

Jonni Depp, Kristian Beyl, Marion Kotiyyar va qoyilmaqom rejissyor Maykl Mann — ajoyib tandem. Amerika, 1930-yillar. Jon Dillinjerning qoʻrqmasdan bank oʻmarishlari uni barcha mazlumlar oldida qahramonga va eng yaxshi agent Melvin Pervis hamda FQB direktori Jon Edgar Guverning asosiy nishoniga aylantirdi. Dillinjer toʻdasini hech kim toʻxtata olmaadi.

Hech bir qamoqxona uni uzoq vaqt ushlab turolmadi. Kichik Nelson va Elvin Karpis ham qoʻshilgan ushbu toʻdaning sarguzashtlari Guverning fursatdan foydalanib, FQBni mamlakatning asosiy huquqni muhofaza qilish organiga aylantirishiga xizmat qildi.

Afsona

• Ishlab chiqarilgan yil: 2015
• Mamlakat: AQSh
• Rejissyor: Brayan Xelgelend
• Bosh rollar: Tom Xardi, Emili Brauning, Kristofer Ekklston
• Kinopoisk reytingi: 7,2
• IMDb reytingi: 6,9

Egizaklar Rejji va Ronni Krey 1960-yillarda Britaniya jinoyat olamining “asosiy vakillari” hisoblanishgan. Aka-ukalar Ist-Enddagi eng nufuzli gangsterlar guruhini boshqargan. Ular qurolli oʻgʻirlik, reket, oʻt qoʻyish, qotilliklar bilan shugʻullanishgan. Faqat egizaklardan biri oʻzining fe’li bilan ikkinchisining yutuqlarini koʻkka sovurardi. Ammo nima boʻlganda ham ular egizaklar.

Murtadlar

• Ishlab chiqarilgan yil: 2006
• Mamlakat: AQSh
• Rejissyor: Martin Skorseze
• Bosh rollar: Leonardo Di Kaprio, Mett Deymon, Jek Nikolson
• Kinopoisk reytingi: 8,5
• IMDb reytingi: 8,5

Skorsezedan navbatdagi shedevr. Qanchalik shedevr ekanligini tushunish uchun ushbu filmdagi aktyorlar tarkibiga nazar solish yetarli: Leonardo Di Kaprio, Mett Deymon, Jek Nikolson, Mark Uolberg, Alek Bolduin,

Politsiya akademiyasining eng yaxshi bitiruvchilaridan ikkitasi barrikadaning qarama-qarshi tomonidan joy egallashadi: ulardan biri huquqni muhofaza qilish organlari safidagi mafiya agenti, ikkinchisi mafiya ichiga kirib olgan “shpion”. Har biri dushmanni yaxshiroq oʻrganish va yoʻq qilishni oʻz burchi deb biladi, lekin voqealar rivoji qahramonlarning ichki dunyosini oʻzgartirib yuboradi.

Choʻqintirgan ota III

• Ishlab chiqarilgan yil: 1990
• Mamlakat: AQSh
• Rejissyor: Frensis Ford Koppola
• Bosh rollar: Al Pachino, Endi Garsia, Dayan Kiton
• Kinopoisk reytingi: 7,9
• IMDb reytingi: 7,6

20 yildan keyin Maykl Korleone qonuniy biznesga kirishga qaror qiladi. Biroq, klan ichidagi qarama-qarshilik uni dushman bilan aloqa qilishning avvalgidek qonli usullarini eslashga majbur qiladi.