“G‘aroyib doktor”: autizmga chalingan iqtidorli jarroh haqidagi dorama syujeti va aktyorlari

“G‘aroyib doktor” 2013: dorama syujeti

Yosh va iqtidorli jarroh Pak Shi-on bolaligini autizm spektrining buzilishi tufayli ijtimoiy markazda o‘tkazadi. Ammo o‘z tashxisiga qaramay, u orzusini ro‘yobga chiqarib, bolalar shifokoriga aylanishga muvaffaq bo‘ladi.

U kasbiy mahoratini oshirishda davom etadi, lekin yolg‘izlikdan aziyat chekadi. Chunki bemorlar va hamkasblar bilan muloqot qilish unga juda og‘ir kechadi. Pak Shi-onning intellekti 10 yoshli bolaniki bilan teng bo‘lsa-da, u o‘zini isbotlashga harakat qiladi. U bilan birga ishlaydigan hamkasblari — jiddiy va mag‘rur Cha Yun-son, haddan tashqari o‘ziga ishonchi yuqori bo‘lgan Kim Do-xan va qo‘pol, ammo sezgir Yo Chxe-gyong ham o‘z hayotiy sinovlari bilan kurashadi.

Doramada Pak Shi-on va boshqa shifokorlarning ishdagi sinovlari, bemorlarning taqdiri hamda qahramonlarning hayoti aks etadi. Bu serial tomoshabinni hayajonga soladigan dramatik voqealar, hayotiy holatlar va ko‘z yoshlar-u kulgu bilan boyitilgan.

Nega tomosha qilish tavsiya etiladi?

“G‘aroyib doktor” — nozik mavzuni yoritishiga qaramay, yengil va yoqimli serial. Undagi ta’sirchan hikoya va o‘zgarayotgan qahramonlar tomoshabinga iliq taassurot qoldiradi. Hamkasblari yordamida Shi-on o‘ziga bo‘lgan ishonchini oshiradi, sevishni o‘rganadi va unga nisbatan salbiy munosabatda bo‘lgan hamkasblari esa qabul qilish va hamdardlik saboqlarini o‘zlashtiradi.

“G‘aroyib doktor”: treyler

“G‘aroyib doktor”: aktyorlar

Chu Von

Mun Chxe-von

Chu San Uk

Yu Xe-yung

Kvak To-von

Kim Yon-gvan

Ko Chxan-sok

Xa Gyu-von