Gears of War ekranlashtiruvchisi e’lon qilindi
Netflix uchun Gears of War videoo‘yinini moslashtirish ustida “O‘qdan tez” va “Kaskadyorlar” filmlari rejissyori Devid Litch ishlaydi. Bu haqda The Hollywood Reporter xabar bermoqda.
Kinolarni bepul ko‘rish imkoniyati!
Film ssenariysini "Dyuna" hammuallifi Jon Speyts yozadi. Gears of War (Urush g‘ildiraklari) otishma o‘yini 2006-yilda chiqarilgan bo‘lib, Sera sayyorasida insoniyat va Chigirtka nomli sudralib yuruvchi irq o‘rtasidagi kurash haqida hikoya qilgan.
Serjant Markus Feniksning bosh rolini o‘ynashga "Galaktika qo‘riqchilari" aktyor Deyv Batista uzoq vaqtdan beri qiziqish bildirmoqda. Uning nomzodini o‘yin yaratuvchisi Kliff Blezinskiy allaqachon ma’qullagan, ammo Netflix hali Batistani rasman tasdiqlamagan. Filmning chiqish sanasi noma’lum.
Hozirda Litch Nikolas Xolt va Zoi Kravits ishtirokidagi "Bankni qanday o‘marib ketish kerak" trilleri ustida ishlamoqda. Amazon MGM filmi 2026-yil sentyabrda ekranlarga chiqadi.
O‘xshash mavzular
