Chempionlar ligasi oʻtish oʻyinlariga qurʼa tashlandi: “Manchester Siti” “Real” bilan oʻynaydi
Yevropa Chempionlar ligasining pley-off bosqichiga oʻtish oʻyinlari uchun qurʼa tashlandi. “Manchester Siti” nimchorak final yoʻllanmasi uchun “Real” bilan oʻynaydi. Bu juftlik gʻolibini esa keyingi bosqichda “Atletiko” yoki “Bayer” kutadi.
Kinolarni bepul ko‘rish imkoniyati!
31-yanvar kuni Yevropa futbol assotsiatsiyalari ifttifoqining Non (Shveysariya)dagi bosh qarorgohida Chempionlar ligasining pley-off bosqichiga oʻtish oʻyinlari uchun qurʼa tashlandi.
Qurʼa natijalariga koʻra, juftliklar quyidagicha koʻrinish oldi:
- “Brest” — “PSJ” (Gʻolib keyingi bosqichda “Liverpul” yoki “Barselona” bilan oʻynaydi);
- “Monako” — “Benfika” (“Liverpul” yoki “Barselona”);
- “Bryugge” — “Atalanta” (“Lill” yoki “Aston Villa”);
- “Sporting” — “Borussiya” (“Lill” yoki “Aston Villa”);
- “Manchester Siti” — “Real” (“Atletiko” yoki “Bayer”);
- “Seltik” — “Bavariya” (“Atletiko” yoki “Bayer”);
- “Yuventus” — “PSV” (“Arsenal” yoki “Inter”);
- “Feyenoord” — “Milan” (“Arsenal” yoki “Inter”).
Dastlabki oʻyinlar 11−12-fevralda, javob oʻyinlari esa 18−19-fevralda oʻtkaziladi.
Eslatib oʻtamiz, oʻzbekistonlik futbolchi Abduqodir Husanov 2025-yil yanvar oyi oxirlarida Angliyaning “Manchester Siti” klubiga oʻtgandi. 20 yoshli futbolchi APLda oʻynaydigan ilk oʻzbek futbolchisi hisoblanadi.
O‘xshash mavzular
