“Joli burchaklari”ni bir soatda hosil qilish mumkin, fillerlar bir umrga qoladi, shirinlikdan voz kechish esa husnbuzarni davolaydi: haqiqat yoki afsona? O‘yini kosmetolog bilan olib borildi

Qahramon kartasi

Aziza - kosmetolog, in’yeksionist va estetika sohirasi. 2022-2023-yillarda nufuzli “Kontur plastikasi bo‘yicha eng yaxshi mutaxassis” va “Yil iste’dodi” nominatsiyalari mukofotlari sovrindori, kosmetologlar uchun murabbiy va kurs o‘qituvchisi.

Aziza o‘z kasbini bejiz tanlamadi - u tibbiy-kosmetolog onasining izidan borishga qaror qiladi. Go‘zallikka intilishsiz ham ish bitmadi, axir qahramonimiz hamisha ayollarni go‘zalroq qilish, ularning tabiiy jozibasini ta’kidlash haqida orzu qilgan edi-da.

Men ishimni endigina boshlaganimda, barcha dugonalarim bu boradagi har qanday aralashuvga qarshi bo‘lib, faqat tabiiy go‘zallik tarafdori bo‘ldilar. Oxir-oqibatda hammasi mening qo‘limdan o‘tishdi. Chunki to‘g‘ri kosmetologiya sizga zarar keltirishi mumkin emas.

O‘zbekistonda kosmetologni qanday izlash mumkin?

To‘g‘rirog‘i, sarafan radiodan. Agar siz Instagramda izlayotgan bo‘lsangiz, ehtiyot bo‘ling. Ko‘pchilik mutaxassislar boshqalarning nashrlarini o‘g‘irlaydi. Shuningdek sahifada videosi bo‘lgan kosmetologni tanlash kerak. Suratni montaj qilish mumkin, ammo videoni o‘xshatish murakkabroq.

O‘zbekistondagi kosmetologiyaning 5 ta trendi

• Lablarni kattalashtirish. Bu barcha davrlar uchun urf bo‘lgan. Yuzda qanday muammo bo‘lishidan qat’i nazar, ayol birinchi bo‘lib, labiga tegadi.

• Burun-lab, iyak, “Joli burchaklari” kabi yuzning boshqa qismlaridagi fillerlar.

• Yuzni tozalash. Aksariyat hammaning qurbi yetadigan deyarli byudjet ko‘tara oladigan muolaja.

• Botoks. Ba’zida ko‘pchilik teri sifatini yaxshilash uchun vitaminli ukollardan ko‘ra undan boshlashni afzal ko‘rishadi. Lekin men buning aksini qilishni maslahat bergan bo‘lar edim. Ammo hammasi moliyaviy imkoniyatlarga bog‘liqdir.

• Biorevitalizatsiya va mezoterapiya. Hammasi terini sog‘lomlashtirish, parvarishlash haqida.

Haqiqatmi yoki afsona: in’yeksiyalar va kosmetologiya haqida bilmoqchi bo‘lgan, lekin so‘rashdan qo‘rqqan hamma narsalar haqida

Teri sifati bevosita irsiyatga bog‘liq va biz buni o‘zgartirish uchun hech narsa qila olmaymiz. Haqiqatmi yoki afsona?

To‘g‘rirog‘i bu afsona. Men irsiyatga qarshi borolmaslimizga qo‘shilaman, u haqiqatan ham katta rol o‘ynaydi. Ammo biz buni tuzatishimiz mumkin. Buning uchun kosmetologlar, shuningdek, o‘zingiz va sog‘lig‘ingiz ustida doimiy ishlash kerak bo‘ladi.

Har oy kosmetologga borishdan ko‘ra uyda sifatli parvarish qilgan ma’qul. Haqiqatmi yoki afsona?

Ikkalasi ham juda muhim. Faqat kosmetologga siz oyda bir marta borasiz, boshqa qolgan kunlarda-chi? U kunlarda ham terini ushlab turish kerak. Shuning uchun ellikka ellik. Uyda  parvarishlash har kuni, yaxshi krem-zardoblar bilan bo‘lishi kerak, lekin kosmetologga ham hech bo‘lmaganda piling uchun murojaat qilish lozim.

Faqat qimmat pardoz vositalarigina yaxshi natija berishi mumkin. Haqiqatmi yoki afsona?

Afsona, lekin izohi bilan. Ma’lum turdagi teriga mos keladigan dori kosmetikasi mavjud, u arzon va ayollar undan mamnun. Ammo muammolar bo‘lgudek bo‘lsa, biz professional, sifatli kosmetikaga murojaat qilishga harakat qilamiz. Uni yaxshisi kosmetologning o‘zidan sotib oling – shunday qilsangiz,  siz qalbakilikka uchramaysiz va laboratoriya yo‘nalishidagi mahsulotni xarid qilasiz.

Ko‘p suv ichish ajinlardan saqlaydi, shirinlikni istisno qilish esa husnbuzarni davolaydi. Haqiqatmi yoki afsona?

Afsona. O‘z-o‘zidan ma’lumki, agar gulga suv quyilmasa u qurishni boshlaydi, bordiyu tonnalab shokolad iste’mol qilinsa, nafaqat teri, balki butun organizm jabr ko‘radi. Yoshlik va akne muammolari kombo usulida, ya’ni to‘g‘ri ovqatlanish, parvarishlovchi muolajalar va kosmetolog kuzatuvi orqali hal qilinadi.

Fillyerlar terida abadiy qoladi. Haqiqatmi yoki afsona?

To‘g‘ri. Ha, tarkibida gialuron kislota bo‘lgan maksimal darajadagi tabiiy fillerlar mavjud - ular yil davomida so‘rilib boriladi. Va ular eng yaxshilardir. Ammo bemorlar ko‘pincha “qotib turadigan”larini tanlaydilar va ularning tarkibi munozarali, sintetikdir. Mana, ular terida bir umrga qoladi.

Burun uchi hatto rinoplastikadan keyin ham pastga “sirg‘alib” tusha boshlaydi. Haqiqatmi yoki afsona?

To‘g‘ri. Ammo bu hatto rinoplastikasiz ham qaytmaydi. Yosh ulg‘ayganш sayin teri to‘qimalari elastikligini yo‘qotib, osilib qoladi. Ammo biz burun uchini to‘ldirgich bilan ko‘tarsak, bu ham vaqtinchalik - tuzatish kerak. Siz bir marta rinoplastika qildirib, buni butunlay unutib qo‘ya olmaysiz.

“Joli burchaklari”ni bir martada qo‘lga kiritish mumkin. Haqiqatmi yoki afsona?

To‘g‘ri. Lekin bu “manba”ga bog‘liq bo‘ladi. Agar qizda vazn va kelishgan yuz bilan bog‘liq muammolar bo‘lmasa, bunga 1 soat yetarli. Ammo agar yuz hajmi katta, yog‘ qatlamiga ega bo‘lsa, tayyorgarlik ishi - lipolitiklar (yog‘ni kuydiruvchi kokteyllar) kerak bo‘ladi. Aks holda siz tasodifan Morgenshternga aylanib qolishingiz mumkin.

Inyeksiyalarni faqat 30 yoshdan boshlash kerak. Haqiqatmi yoki afsona?

Afsona. Inyeksiyalarga 25 yoshdan boshlab murojaat qilish mumkin. Aynan mana shu yoshda tabiiy kollagen zaxiralari yedirila boshlanadi. Teri bilan bog‘liq jiddiy muammolar – husnbuzar, pigmentatsiya mavjudligida 18 yoshda aralashilgan holatlar ham uchrab uchradi. Odatda bu  plazmolifting hisoblanadi (sizning qoningiz asosidagi ukollar).

Mukammal teriga ega bo‘lganda kosmetologga borish va yuzni parvarish qilishga zarurat yo‘q. Haqiqatmi yoki afsona?

Afsona. Teri - bu salomatligingiz aksi. Siz qandaydir kasallikka yo‘liqishingiz, ovqatlanishga e’tibor bermay qo‘yishingiz mumkin va bu hattoki mukammal yuzga ham o‘z asoratini beradi. Agar sog‘ligingiz yaxshi, teringiz mukammal bo‘lsa – bu juda zo‘r, lekin bo‘shashish kerak emas. Bu davlatni qo‘llab-quvvatlang. Uyda parvarish qilish, kosmetologga borish, inyeksiyalar - yoshlikni saqlab qolish uchun hamma narsa qilish kerak.

Erkaklarga kosmetolog kerak emas. Rostmi yoki afsona?

Afsona. Garchi men erkaklar bilan ishlamasam-da, buning hech qanday yomon joyi yo‘q deb hisoblayman. Agar erkakning terisi bilan bog‘liq muammosi bo‘lsa, agar u buni tuzatishni xohlasa – unda harakat qilish kerak. Umuman olganda esa so‘rovnomalarning aksariyati ayollardan keladi.